Bolalar pedagogikasi

Kurs ishining vazifasi. Boshlang’ich ta’lim pedagogikasi – boshlang’ich sinflar o’quvchilarini tarbiyalash, ularga ta’lim berish, ularning o’ziga xos psixologik hamda fiziologik xususiyatlarini tadqiq etish, shuningdek, ularni intellektual, ma’naviy-axloqiy va jismoniy jihatdan kamolotga yetkazish masalalarini o’rganadi. Turli taraqqiyot davrlarida inson psixologiyasi va shaxsi o`zgarishi qonunlaridan kelib chiqqan holda, biz kichik maktab yoshi davrini xulq atvor kategoriyalarni faol ravishda o`zlashtirish va shu asnosida xulq-atvor tasavvurlar shakllanishi uchun eng senzitiv-qulay davrdir, deb tanladik. Zero, aynan shu davrda shaxsning o`zini o`rab turgan muhitdagi eng nodir xulq-atvor qadriyatlarga nisbatan munosabatlari faollashadi, ularni o`zlashtirish orqali, xulq atvor tasavvurlarini va bilimlarini boyitish, uni his-tuyg`ulari va xatti harakatlarida namoyon etishga psixologik jihatdan hozirlik kuchayadi. Bundan tashqari, ushbu davrda yoshlarning muloqot doirasi kengayadi, o`z-o`zini anglashi, o`z-o`zini nazorat qilishi, jamiyatda o`z o`rnini topish, ijtimoiy mafkuraviy masalalarga nisbatan qiziqishlari ortadi, jamiyatda sodir bo`layotgan o`zgarishlar, madaniyat va ma`naviyat sohasidagi barcha o`zgarishlarga munosabatlar tizimi sayqallashadi.
Kurs ishining dolzarbligi: O’zbekistonda boshlang’ich ta’limga zamonaviy yondasguv ta’lim jarayonini aniq vositalar yordamida samarali tashkil etish lozimligini taqozo etadi. O’zbekistonda qo’yilgan o’quv maqsadlariga muvaffaqiyatli erishish natijalarini kafolatlash bugungi kunda pedagoglar oldiga turgan muhim vazifalardan biridir. Boshlang’ich ta’lim bolalar ta’limidagi asosiy qismi hamda undan keyingi ta’lim uchun negiz hisoblanadi.
Kurs ishi tuzilmasining tavsifi. Strukturaviy jihatdan kurs ishi kirish, ikki bob, toʻrt paragraf, xulosa, foydalanilgan adabiyotlar roʻyxati va ilovalardan iborat. Kurs ishining umumiy hajmi 40 betdan iborat.
Kurs ishining nazariy va amaliy ahamiyati haqida gap ketganda izlanish natijasida ilgari surilgan xulosalar va umumlashtirilgan fikrlardan amaliyotda qõllaniladigan jihatlari misol sifatida keltiriladi.
Ushbu kurs ishi boshlang’ich ta’limning dolzarb masalalari va uning sifat samaradorligini oshirishda zamonaviy yondashishning usullariga bag’ishlangan.