Bolalar kasalliklari propedevtikasi

YoG‘  BEZLARI.  Yog‗  bezlarining  boshlang‗ich  murtagi  homilada  5-7 
haftalik  davridan  paydo  bo‗lib,  homiladorlikning  7-oylarida  yaxshi  taraqqiy 
etgan  va  faol  sekret  ishlab  chiqara  boshlagan  bo‗ladi.  Shu  davrda  yog‗ 
bezlarining  morfologik  tuzilishi  kattalardan  farq  qilmaydi.  Ularniig  ishlab 
chiqargan  mahsuloti  chaqaloqlar  terisini  qoplagan  pishloqsimon  moylovchi 
modda  asosini  tashkil  etadi.  Yosh  bolalarda  yog‗  bezlarining  yuz  terisidagi 
mikdorn  1  sm
2 
satxda  kattalarga  nisbatan  4-8  marta  ko‗p.  Bu  bezlarning  bir 
yoshgacha  bo‗lgan  bolalarda  xajmi  katta  va ko‗plab  mahsulot  ishlab  chiqaradi. 
Yangi  tug‗ilgan  chaqaloqlarda  yog‗  bezlari  mahsulotini  ko‗plab  ishlab  chiqarilishi 
va bez yo‗llarida turib qolishi sababli burun uchida va qanotlarida, lunjda, yuz 
chakkasida  oq  sarg‗ish  rangdagi  nuqtalar  (milia)  kuzatiladi.  Ularning  kattaligi 
ko‗knori  urug‗idek  bo‗lib,  bir  necha  kun  yoki  1,5-2  hafta  davomida  saqlanadi, 
so‗ngra  o‗z-o‗zidan  yo‗q  bo‗lib  ketadi.  Terida  yog‗  bezlarining  faolliga  bir 
yoshdan  keyin  pasayib,  ayniqsa  balog‗atga  yetish  davrida  yana  ko‗payadi.  Bu 
bez  yo‗llarini  sekret  bilan  berkilib,  noqo‗lay  sharoitda  mikroblar  ta‘sirida 
yallig‗lanib, o‗smirlar yuzida husnbuzarlar paydo bo‗lishiga olib kelishi mumkin.