Bolalar kasalliklari propedevtikasi

Laktatsiyaiing  boshlanishi.  Alveolalarda  sutning  sintezlanishi  murakkab 
jarayon  bo‗lib,  u  o‗z  ichiga  4  sekretor  mexanizmlarni  oladi:  ekzoretoz,  yog‗larni 
tashish va sintez qilish, ion va suv sekretsiyasi hamda immunoglobulinlar hujayra 
tashqarisidan  tashish.  Tug‗ishdan  keyin  yo‗ldoshni  sut  hosil  bo‗lishiga  to‗sqinligi 
tugaydi  va  qonda  progester  miqdori  keskin  kamayadi.  Tug‗ishdan  keyin  30  soat 
mobaynida sut bezlari sutga to‗lishadi. 30—40 soat oralig‗ida lakgoza bo‗lishining 
kuchayishi natijasida sutning tarkibi t o‗zgaradi. Natijada sutning hajmi ko‗payadi, 
chunki  laktozaning  komponenti  hisoblanadi.  Tug‗rukdan  so‗ng  ayollarda  12-
kunlari  juda  ko‗p  mikdorda  sut  ajraladi,  sutning  yig‗ib  qolishi  esa  kuzatilmaydi. 
Hozir  sutning  yig‗ilishi  deganda  endokrin  nazorati  ostida  hosil  bo‗luvchi 
laktatsiyaning,  autokrin  nazoratli  laktatsiyaga  o‗tishini  bildiradi.chunki  gormonal 
muhitda  qoluvchi  sutning  bezdan  ajralish  jarayoni,  sut  hosil  bo‗lishiga  ta‘sir 

---

 
287 
ko‗rsatadi. Ayrim ayollar shunday o‗tish davrida sut bezining qizishi va to‗lishini 
sezadi, chunki ularda ichki bosim ko‗tarilib ketadi. Bu esa sut hosil bo‗lish hajmini 
kamaytiradi  va  uning  ajralishini  buzadi.  Sutning  ajralishi  buzilganda  ko‗krak 
shishadi va limfatik shishlar qayd etiladi. Bu esa o‗z navbatida sutning chiqishini 
qiyinlashtirib,  supressiv  peptidlarni  yig‗ilishiga  olib  keladi,  natijada  sutning  hosil 
bo‗lishi pasayadi. Ikkala sut bezi ham gormonal ta‘sir ostida bo‗ladi, lekin ularda 
sutning hosil bo‗lishi chaqaloqning qancha ko‗p sutni so‗rib olishiga bog‗liq. Bola 
yaxshi  emsa  yoki  qolgan  sutni  ko‗proq  sog‗ib  tashlasa,  ko‗p  sut  hosil  bo‗ladi. 
Ko‗pgina ayollar bitta ko‗krak bilan bolasini to‗ydira oladi, bunday paytda ikkinchi 
foydalanilmagan ko‗krakda laktatsiya kamayadi. Laktatsiyada sutning hosil bo‗lish 
va ajratish reflekslari ishtirok etadi. Ikkalasida ham gormonlar (prolgin, oksitotsin) 
qatnashadi va ikkalasi ham laktatsiyani harakatlantiruvchi kuchga va so‗rib olishga 
qaratilgan  bo‗ladi.Bolaning  so‗rg‗ich-areola  kompleksida  asab  oxirlarining 
qo‗zg‗ali-shi  gipofizning  oldingi  bo‗lagida  prolaktin,  orqa  bo‗lagida  oksitotsin 
hosil  bo‗lishini  ta‘minlaydi.  Prolaktin  laktogen  garmon  bo‗lib,  alveolalarda 
birlamchi  sut  hosil  bo‗lishini  stimullaydi.  Prolaktin  sut  va  tuzlarning 
kservatsiyalanishi va tug‗ruqdan keyingi amenoreyaning cho‗zilishini ta‘minlaydi. 
Bu  ikkala  xususiyat  ham  laktatsiya  protsessini  pasaytiradi.  Homilador  bo‗lmagan 
ayollarda  zardobdagi  prolaktin  miqdori  10  mg/ml  ni  tashkil  qiladi,  uni 
konsentratsiyasi  homiladorlik  paytida  ko‗payib  boradi,  va  tug‗ruqdan  keyingi 
davrda  keskin  kamayadi.  Tug‗ruqdan  keyingi  haftada  emizikli  ayollarda 
prolaktinning o‗rtacha ko‗rsatkichi 20—30 mg/ml ni, emizmaydigan ayollarda esa 
10 mg/ml ni tash-kil qiladi. Ammo zardob prolaktinning bazal darajasi tug‗ruqdan 
keyingi  boshlang‗ich  davrda  ayollarda  har  xil  bo‗lishi  mumkin.  Ayrim  ayollarda 
laktatsiya  yaxshi  kechadi,  prolaktinning  bazal  darajasi  esa,  emizmaydiganlardagi 
ko‗rsatkichlarga  to‗g‗ri  keladi.  Laktatsiyaning  boshida  prolaktin  boshlang‗ich 
bazal  darajasiga  karaganda  10  marta  ko‗p  so‗rib  olinadi.  3-oyga  borib  bu 
ko‗rsatkich pasayadi, 6-oyda esa ko‗pgina ayollarda butunlay yo‗qoladi. Bolaning 
sutni so‗rib olishi ham gipotolamusning xolinergik tolalarini qo‗zg‗atadi va gipofiz 
orqa  bo‗lagida  oksitotsin  hosil  bo‗lishini  stimullaydi.  Oksitotsinni  tahlil  qilish 
qiyin  bo‗lganligi  sababli  uning  homilador  va  emizikli  ayollardagi  mikdori  kam 
o‗rganilgan.  Lekin  10  daqiqa  emizish  davomida  100  mg  oksitotsin  hosil  bo‗lishi 
aniqlangan. Oksitotsin mioepitelial hujayralarning qiskarishini ta‘minlaydi va sutni 
chiqaruv  yo‗llariga  o‗tkazadi.  Qiskartiruvchi  kuch  boshida  juda  kuchli  bo‗lishi 
mumkin  va  ayrim  ayollarga  og‗riq  berishi  ehtimoldan  holi  emas,  sut  esa 
ko‗krakdan  otilib  chiqishi  mumkin.  Ko‗pincha  emizish  davrida  ikkinchi  sut 
bezidan  sut  tomchilab  okadi.  Sutning  ajralish  refleksini  ayol  sutining  ixtiyog‗siz 
chiqib  ketishi  yoki  ko‗krakda  sanchiq  turishidan  sezishi  mumkin,  Sut  bezlari 
ichidagi bosim oshib boradi va termografiyada qon oqimining kuchayishi sezilarli 
bo‗lib  qoladi.  Sutning  oqib  ketish  refleksi  fakatgina  taktil  ta‘sirotlardan  kelib 
chiqmay,  balki  ko‗rish,  hid  bilish  va  eshitish  tufayli  ham  kelib  chiqishi  mumkin. 
Bolaga yaqinlik yoki bola haqidagi o‗y ayrim ayollarda mioepitelial xujayralarning 
qiskarishini keltirib chiqaradi. Ayrim ayollarda bu hol laktatsiya tugagandan keyin 
ham  yuzaga  kelishi  mumkin.  Aksincha,  bu  refleks  vaqtincha  adrenalin  ta‘sirida 
to‗xtab  qolishi  mumkin.  Masalan,  u  kuchli  ruhiy  ta‘sir  yoki  og‗riq,  yoqimsiz 

---

 
288 
sezgilar  paytida  kuzatiladi.  Kam  va  doimiy  bezovtalik  bu  refleksga  ta‘sir  etmasa 
yoki kam ta‘sir etganda ayrim ayollarning sut bezlari to‗lib tursa ham, sut oqmaydi 
. Sut bezining ajratish xususiyati buzilishiga ko‗pincha mioepitelial hujayralarning 
qisqarishida oksitotsinga to‗sqinlik qilishi sabab bo‗lib qoladi. 
Sut  oqishining  vaqtinchalik  to‗xtab  qolishi  yoki  ushlanib  qolishi  ko‗p 
uchraydi. Buni osongina bartaraf etsa bo‗ladi. Buning uchun bolani ozgina so‗rish 
refleksi  uni  harakatga  keltirmaguncha  kutib  turishga  majbur  qilish kerak.  Afsuski 
ayollardagi  sutim  kam  yoki  ajralishi  qiyin  degan  fikr  sutning  keskin 
yetishmovchiligiga olib kelishi mumkin. Agar ona bolasini sut bilan ta‘minlashiga 
chin  dilidan  to‗liq  ishonib,  mehr  bilan  emizsa,  bu  muammoni  hatto  bezovtalik 
paytlarida  ham  osongina  hal  qilsa  bo‗ladi.  Onalar  laktatsiyaning  ahamiyati  va 
emizishdagi  asosiy  qonun-qoidalarini  bilishlari  lozim.  Oksitotsin  ham,  prolaktin 
ham onaning kayfiyati va fizik holatiga ta‘sir ko‗rsatadi. Prolaktin onaning xar xil 
sharoitlarda  o‗zini  qanday  tutishiga  hal  qiluvchi  ta‘sir  ko‗rsatadi.  Yangi 
tekshirishlar 
oksitotsinning 
bog‗lovchi, 
bolaga 
onani 
yaqinlashtiruvchi 
gormonligini ko‗rsatdi.