Болалар касалликлари пропедевтикаси ва умумий парвариш кафедраси касаллик тарихи лойихаси

Юзаки пайпаслаш. Шифокор юқорида ифодаланган ҳолатни эгаллаб, ўнг қўлини беморнинг қорнига, 2-3-4-5 бармоқларини қўяди ёки бармоқларини озгина буккан ҳолатда аста-секин эҳтиёткорлик билан, жуда чуқур кирмаган ҳолда, қорин бўшлиғининг ҳамма қисмини юзаки пайпаслаб чиқиш керак. Ёш болаларни пайпаслаганда қориндаги таранглик фаол ёки пассивлигига ҳам аҳамият берилиши керак. Бунинг учун болани чалғитиш керак. Агар чалғитганда қориндаги таранглик йўқолса-фаол сақланса пассив ҳисобланади.
Пайпаслаш одатда чап чов сохасидан (агар шу сохада оғриқ бўлмаса) бошланади. Симметрик қисмлар пайпаслашиб, эпигастрал соха билан якунланади.
Пайпаслашда теридаги гиперэстезия, яъни Захарьин - Гет зонаси жуда муҳим аҳамиятга эгадир. Катта ёшдаги болаларни пайпаслаганда иккала қўл билан оқ чизиқнинг ўнг ва чап томонлари симметрик зоналари аста силаб пайпасланади.
Демак қуйидаги зоналар Захарьин-Гет гиперэстезия зоналари ҳисобланади:

1. 
   Холедуходуадэнал зона - юқори квадрат соҳасига жойлашган бўлиб, юқоридан - ўнг қовурға равоғи чапдан - оқ чизиқ, пастдан - киндикдан ўнг ёнбошга ўтказилган перпендикуляр билан чегараланган.
   
2. 
   Эпигастрал зона - эпигастритини эгаллайди. Пастдан ўнг ва чап қовурғалар равоғини бирлаштирувчи чизиқ билан, юқоридан ўнг ва чап қовурғалар равоғи билан чегараланган.
   
3. 
   Шоффар зонаси - киндикдан ўнг қовурға равоғининг ўртасига биссектриса ўтказилади ва ана шу биссектрисанинг чап томонидаги майдон ташкил қилади. Бу зона юқоридан ўнг қовурға равоғи билан чапдан оқ чизиқ билан ундаги биссектиса билан чегараланади.
   
4. 
   Панкреатик зона - киндикдан мезогастриум бўйлаб бел умуртқагача ўтган белбоғсимон йўл ҳисобланади.
   
5. 
   Аппендикуляр зона - ўнг пастки квадрат бўлиб, юқоридан киндикдан, ўнг ёнбош суягининг юқори олд қирраси билан чегараланади.
   
6. 
   Сигмал зона - пастки чап квадрат бўлиб, юқоридан киндикдан ўнг ёнбошга ўтказилган перпендикуляр билан, ўнг томондан оқ чизиқ билан, пастдан ўнг ёнбош суягининг юқори ва олд қирраси билан чегараланади.
   
7.