Болалар ёшида учрайдиган тиш каттик

 
63-rasm.
a. Ochiq egatsimon; 
b) chuqur fissura; 
v) konussimon fissura; 
g) yopiq, chuqur fissura.
 
 
Germetiklar
chaynov yuzalarida mexanik barer hosil qilib, ovqatlar, 
mikroorganizmlar va so`lakning fissuralarga, chuqurchalar, egatchalarga kirishiga 
to`sqinlik qiladi va bu sohalarda kariyes jarayonini keltirib chiqaruvchi shart-
sharoitlarga barham beradi. Germetiklar bolalarda sut tishlarida 2 yoshdan 
boshlab, doimiy tishlarda 6-7 yoshdan boshlab, 16-18 yoshgacha qo`llanilishi 
mumkin. 
Tishlarni muxrlashning 2 yo`li farqlanadi: 
1)
invaziv – fissuralarning kirish soxasidagi tish qattiq to`qimasini yuza 
charxlab kengaytirish yo`li bilan 
2)
noinvaziv – fissuralar atrof to`qimasiga tig` tegizmaslik yo`li bilan.
Bugungi kunda tishlar fissuralarini muhrlash uchun ishlatiladigan qator 
germetiklar mavjuddir. Bulardan talablarga to`liq javob beradigan, yuqori samarali 
hisoblangan ba’zi birlarini keltiramiz.
I. Galogen lampa nurida qotuvchilar:
 
1. Fissurit va fissurit-F - 
ftor saqlovchi, galogen lampa nurida qotuvchi 
«VOKO» firmasining germetik preparatidir. Mazkur germetiklar kuchsiz 
yopishqoqlik xususiyatiga ega bo`lgan metakrilat kislotasining hosilasi bo`lib, 
chaynov tishlar fissuralarini kariyesga qarshi muhrlashda ishlatiladi. Fissuritlar 
tarkibiga qo`shiladigan oyna zarrachalarining 99%-i 1 mikron o`lchamga egadir, 
bu esa preparatga, yaxshi singib kirish xususiyatini beradi. 
 
2. Fissulayt-LS 
Rossiyaning «VladMIVA» firmasining mahsuloti. Organik 
biriktiruvchi alyumoftorsilikat to`ldiruvchi kompozit material bo`lib, uning 
tarkibiga kiruvchi, ftor saqlovchi noorganik komponenti profilaktik ta’sir 
ko`rsatadi. Ortofosfor kislotasining mavjudligi germetik qo`llashdan oldin maxsus 
kislotali ishlovga hojat qoldirmaydi. "Fissulayt-LS" adgeziyasi emal gidroksiapatiti 
bilan kimyoviy birikishiga asoslangan bo`lib, galogen lampa nurida qotib 24 soat 
mobaynida emal yuzasida saqlanadi. 
3. Fissulayt
- kislotali ishlovsiz emal yuzasiga yotqiziladigan germetik. Galogen 
lampa nurida qotuvchi bu silant tarkibida quyidafilarni tutadi: 
-oligokarbonat metakrilat; 
-trietilenglikol dimetakrilat;