Bolalar adabiyoti o‘zbekiston respublikasi oliy va o‘rta maxsus ta’lim vazirligi

Hamza
Imonberdiyev
(1954—1997)
Qisqa va sermazmun umr kechirgan Hamza Imonberdiyev
baxtiyor oilasi quchog‘ida, qadrdon do‘stlari, ustoz-u shogirdlari
davrasida, sevimli jamoasi orasida yashab-ishlab ijod qildi.
„Quvnoqlar quvonchi“, „Shokoladxo‘rlar“, „Kulgi shaharchasi“,
„G‘aroyib pufak“, „Oydagi tomosha“, „Qutichada mitticha“,
„Lofchilar-aldoqchilar“, „G‘aroyibkent hangomalari“, „Bir
kunlik mo‘jiza“ nomli kitoblari bosilib chiqqan.
LOFCHILAR-ALDOQCHILAR
Ali, Vali lofchilar —
Xushchaqchaq aldoqchilar
Rosa lofni urishar,
Ko‘pikdan uy qurishar,
Mazza qilib kulishar.
Ali debdi: — Vali, kel,
Rasmimga bir baho ber.
Qushcha chizdim ajoyib,
Ajoyib-u g‘aroyib.
Ana u don yeyapti,
Menga rahmat deyapti.
Vali boqsa varaqqa,
Shakl yo‘q hech qanaqa.
— Aldabsan-ku qani don?
— Qush yeb qo‘ydi-da nodon!
— Yo‘qotdingmi hushingni,
Ko‘rmayapman qushingni?!
www.ziyouz.com kutubxonasi

---

2 3 2
— Òo‘ygach, qushcha chirq etdi,
„Rahmat“ deb uchdi-ketdi!
Ali, Vali lofchilar —
Xushchaqchaq aldoqchilar
Rosa lofni urishar,
Ko‘pikdan uy qurishar,
Mazza qilib kulishar.
* * *
Ali boshin qashlaydi.
Jiddiy turib boshlaydi:
— Aqlli bir itim bor,
Misolni shart ishlaydi.
— Ruchkani qanday ushlar?
— Òishi bilan tishlaydi.
Xo‘jayin, o‘ynab qol, der,
Òortinma, bemalol, der.
She’r yodlashmi, masala,
Deydi, menga qo‘yib ber.
— Bo‘lishi mumkin, Ali, —
Quvvatlar uni Vali.
— Menda ham o‘zi ishlar
Yangi avtoruchka bor.
Masalami, misolmi,
Bir zumda qilar tayyor.
— Unda nega „uch“ olding
Òunov kuni diktantdan?
— Ruchkamga siyoh tortish
Chiqib ketibdi yoddan.
Ali, Vali lofchilar —
Xushchaqchaq aldoqchilar
Rosa lofni urishar.
Ko‘pikdan uy qurishar,
Mazza qilib kulishar.