Bolalar adabiyoti o‘zbekiston respublikasi oliy va o‘rta maxsus ta’lim vazirligi

OCHKONI TENG BO‘LISHAR
Ishqiboz ikki polvon,
Kuch sinashar shaxmatda.
Bellashadi beomon,
O‘yin qizir g‘oyatda.
Kishnatib „sipoh“ini,
Yelib borar Rustamjon.
Raqibining „Shoh“ini,
Qurshab oladi shu on.
Qarab turmas Omon ham,
Xavfni sezadi zumda.
Zehnini charxlab ildam,
O‘ta boshlar hujumga.
Labin tishlab Rustamjon,
Yurishni qayta boshlar.
„Fil“ini qilib qurbon,
„Farzin“ga qarmoq tashlar.
Bu xatarli tuzoqqa,
Chap berar yana Omon.
O‘zi qo‘ygan qarmoqqa,
Rustam tushar shu zamon.
Òez orada tugar „jang“,
Bahsdan mamnun bo‘lishar.
Natija bo‘lib durang,
Ochkoni teng bo‘lishar.
KO‘CHAMDA BOR BIR BOLA...
Ko‘chamda bor bir bola,
Bu she’rim o‘sha haqda.
Nomin aytmayman, chunki
Bundaylar oz sanoqda.
Mazasi yo‘q darslardan
Yashirmoqlik ne darkor!?
Bu yil ham uchinchida
O‘qimoqda u takror.
Qaylardadir sanqiydi,
Maktabga kelmas yetib,
www.ziyouz.com kutubxonasi

---

1 5 0
Kech qolmagin, desalar
Qo‘yar qo‘lin silkitib.
Kitobni hech o‘qimas,
Futbolga chopar nuqul.
Oyisi ish buyursa,
Mudom aldab qochar ul.
So‘zlari biram dag‘al,
Odobni hech bilmaydi.
O‘zidan boshqalarni
Nazariga ilmaydi.
Òuzalmasa bu bola
Doston etgum ta’rifin.
Butun elga yoyaman
Qo‘shib ism-u sharifin.
BALIQ OVIDA
Majnuntolning salqinida o‘tirib,
Zilol suvning oqishiga boqaman.
Qarmog‘imdan nigoh uzmay, o‘y surib,
Shirin xayol daryosida oqaman.
Dikir-dikir o‘yin tushsa po‘kagim,
Ikki ko‘zim bir nuqtaga tikilar.
Quvonchimdan ura boshlar yuragim,
Deyman: „Hozir katta baliq ilinar“.
...Shamol, to‘lqin po‘kagimni tortqilab,
Goho-goho qo‘yar meni ranjitib.
Shunda hamki, hislar bilan to‘lib qalb,
Ketgim kelmas bu qirg‘oqni tark etib.
www.ziyouz.com kutubxonasi

---

1 5 1
Qudrat Hikmat
(1925 —1968)
Qudrat Hikmat qisqa umr kechirdi, ammo ijodi sermazmun
bo‘ldi. U 20 dan ortiq kitoblari bilan bolalar adabiyotining oltin
fondidan o‘ziga xos o‘rin egalladi.
Qudrat Hikmat maktabgacha tarbiya yoshidagi bolalar uchun
ko‘plab she’rlar yozgan. „Bog‘chadagi bog‘cham“, „Oftob“,
„Gunafsha“, „Oyga poyga“, „Òoychoq“ kabi she’rlarida do‘stlik,
hamkorlik, ona-tabiat va unga muhabbat g‘oyalari yotadi. Mehnat
mavzusi shoir ijodida bosh masala hisoblanadi. Kimki halol, pok bo‘lsa,
jismoniy mehnatni sevsa, kattaga ham, kichikka ham ma’qul bo‘ladi.
Bu tushuncha shoirning „Buvimning deganlari“, „Uch o‘rtoqning
sovg‘asi“, „Do‘ppi“, „Ona orzusi“ she’rlarida ifodalanadi.
Q. Hikmat bolalar adabiyotida „Chirchiq farzandi“, „Qum
ostida qovunlar“, „Bobodehqon hangomasi“, „Ilonshoh va uning
amaldori ari haqida ertak“, „Ko‘milgan oltin, vaysaqi xotin va
tadbirkor ovchi qissasi“, „Chovkar“ kabi qator poema, ertak-
dostonlari bilan kitobxonlar tomonidan haqli ravishda e’zozlanadi.