Bolalar adabiyoti o‘zbekiston respublikasi oliy va o‘rta maxsus ta’lim vazirligi

Po‘lat Mo‘min
(1922—2004)
Po‘lat Mo‘min asli pedagog bo‘lganligi uchun ham bolalarni
bir umr sevib, ular uchun ajoyib-g‘aroyib asarlar yaratdi. Uning
birinchi she’rlar to‘plami — „Sayrang, qushlar!“ nomi bilan 1949-
yilda bosilib chiqdi. Shu asaridan so‘ng P. Mo‘min bolalar shoiri
sifatida tanildi. U 60 dan ziyodroq kitoblar muallifidir.
Shoirning „Obod o‘lkam“, „Bo‘l tayyor!“, „Oftob chiqdi
olamga“, „Yer chopildi — javob topildi“, „Odob yaxshimi, oftob
yaxshimi?“ kabi o‘nlab she’rlarini bolalar sevib o‘qib kelmoqdalar.
P.Mo‘minni bolalar o‘z qo‘shiqchi-shoirlari sifatida e’zozlaydilar.
Uning „Ko‘ylagim“, „Ikki qo‘ymang, o‘qituvchim“, „Besh oldim
— besh“, „Ustozlar“, „Salimjon-nimjon“, „Salimjon endi polvon“
kabi qo‘shiqlarini sevib kuylamaydigan bola topilmasa kerak.
Po‘lat Mo‘minning „Eh, rosa shirin ekan“, „Xolning jiyron
velosipedi“, „Ko‘ngil istar yaxshilik“, „Jalil eshitgan ertak“, „Alla
bilan Jalla“, „Oltin nay“, „Qovoqvoy bilan Chanoqvoy“,
„Suqatoy-Konfetvoy“ kabi poema-ertak va pyesalari bolalar
adabiyotining rivojiga katta hissa bo‘lib qo‘shildi.
SALIMJON-NIMJON
(Hazil qo‘shiq)
Salim, Salim, Salimjon,
Buncha bo‘lding sen nimjon?
Koptok misol semirding,
Go‘yo taning xamirjon.
Salimjon — nimjon.
Hech bir chiqmay oftobga,
Ranging o‘xshar betobga.
www.ziyouz.com kutubxonasi

---

1 4 3
Uyqu bosib ko‘zingni,
Qarolmaysan kitobga.
Salimjon — nimjon.
Ayta bersak bir chetdan:
Doim qochding mehnatdan.
Hech qilmaysan harakat,
Aslo bormi g‘ayratdan?
Salimjon — nimjon.
Bizlar kabi kuch yig‘gin,
Òur o‘rtoqjon, tez chiqqin.
Ishlab maktab bog‘ida,
Òerlab-terlab chiniqqin,
Bo‘larsan polvon.