Bolalar adabiyoti o‘zbekiston respublikasi oliy va o‘rta maxsus ta’lim vazirligi

SADDI ISKANDARIY
(Dostondan parcha)
KABUTAR HIKOYASI
Eshittimki bir toyiri nomabor,
Bitik zimnida sharhi hangomabor¾
Topib erdi bir shoh qaydida band:
Yetib erdi bol-u parig‘a gazand.
Falak gardishi aylabon zulm-u zo‘r,
www.ziyouz.com kutubxonasi

---

4 3
Necha yil ani aylabon xonago‘r.
Chu zindonidin qochti ul benavo,
Nishot-u farah birla tutti havo.
Singib ko‘kka har sori chun boqti ul,
O‘zining diyori sori tutti yo‘l.
Qilib sa’y uyla tayri farxundashay,
Necha kunchilik yo‘lni bir damda tay.
Vale zulmi davron solib inqilob,
Qilib erdi ul bo‘lg‘on uyni xarob.
Kabutar yetishgach uyin topmadi,
Valekin uchardan qanot yopmadi.
Base el bo‘lib tom uza donarez,
Uchurib kabutar berur erdi xez.
Bular sori hech aylamay iltifot,
Ular erdi o‘z tomin istab qanot.
Base davr urub ehtiyot aylabon,
Buzug‘ uzra qo‘ndi nishot aylabon.
Ki ma’nus erur garchi vayronadur,
Netay shoh qasrinki begonadur.
Erur qushqa xushroq chu boqsang ayon,
Murassa’ qafasdin tikan oshyon.
Nasriy bayoni:
Eshitishimcha, maktub tashuvchi bir qush, ko‘ngullar rozini
bir-biriga yetkazadigan kabutar bir shohning bandiga tushib, pat
va qanotlari zararlangan edi. Falakning gardishi zulm va zo‘rlik qilib
uni bir necha yil qafasga soldi. Bir kuni u qafasdan qochib chiqib,
shod-xurramlik bilan ozodlik ko‘kiga qanot qoqib parvoz qildi. U
juda ham balandga — osmon-u falakka ko‘tarilib olgach, o‘z yurti
tomon yo‘l oldi. G‘ayratli,  tez uchar qush bir necha kunlik
yo‘lni oz muddatda bosib o‘tdi. Biroq, hayhotki, zamon zulmi
buzg‘unchilik ko‘rsatib, uning uyasini xarob qilgan edi. Kabutar
izlay-izlay o‘z uyasini topolmasdi. Lekin izlab qanot qoqishdan
to‘xtamasdi. Juda ko‘p kishilar tomlariga chiqib don sepishar, o‘z
kabutarlarini bunga qarata uchirishardi. Biroq bu kabutar ularning
na don-u, na kabutarlariga qaramay, o‘z uyasini izlagani - izlagan
edi. Nihoyat rosa aylana-aylana o‘z uyasi vayronasiga avaylab kelib
qo‘ndi va kayfi chog‘ bo‘ldi.
— Vayrona bo‘lsa-da, shu menga yoqimlidir. Shohning yot
qasrini nima qilay?! — derdi u o‘z-o‘ziga.
Bunday qarasang, hatto qushga ham serziynat oltin qafasdan
o‘z tikanli uyasi yaxshiroqdir.
www.ziyouz.com kutubxonasi

---

4 4