Bolalar adabiyoti o‘zbekiston respublikasi oliy va o‘rta maxsus ta’lim vazirligi

ARILAR G‘AZABI
(Ozarbayjon xalq ertagi)
Bor ekan-da, yo‘q ekan, dunyoda bir fil bo‘lgan ekan. U
tinib-tinchimagan va juda sho‘x ekan. Har safar bo‘lar-bo‘lmasga
janjal chiqaraverar ekan. Kunlarning birida o‘rmonda u xartumi
bilan bir daraxtni o‘rab olib, uni silkitaveribdi. Sal bo‘lmasa daraxtni
ildiz-pildizi bilan yerdan sug‘urib olay debdi. Daraxt tagida o‘rmon
arilarining ini bor ekan. Filning silkitishidan arilar ini buzilib
ketishi mumkin ekan.
— Fil aka, — iltimos qilishibdi arilar, — bizning uyimizni
buzma.
— Uylaringning menga nima keragi bor? — javob beribdi fil.
— Sho‘xlik qilgim kelgan edi-da.
— Voy, fil akajon-ey, — deyishibdi arilar, — biz senga o‘ynama
deyayotganimiz yo‘q. Boshqa daraxtning tagida o‘ynay qolgin.
— Shu yerdan boshqa yoqqa ketmayman, — tixirlik qilibdi fil.
— Bu vijdonsizlarni qara-ya, o‘zlari zig‘ircha-yu, yana birovga
aql o‘rgatishlarini-chi.
— Fil akajon, — uni ogohlantirishibdi arilar, — agar uyimizni
buzadigan bo‘lsang, seni o‘ldiramiz.
— Qo‘llaringdan kelganini qilinglar,— deb kulibdi fil.— Sizlar-
dan qo‘rqadigan ahmoq yo‘q.
Arilar inlariga kirib, kattalar bilan maslahatlashishibdi-da,
fildan yana bir marta iltimos qilib, bordi-yu, shunda ham ko‘n-
masa, uni to o‘lguncha chaqishga qaror qilishibdi. Arilar ancha
vaqtgacha filni bu ishdan qaytarishga urinishibdi. Lekin fil ularga
e’tibor ham bermabdi.
Shunda arilar filga baravariga yopishib, boshi, ko‘zi, qulog‘i,
xartumi va butun badaniga ignalarini sanchishaveribdi. Birpasda fil
shishib, tog‘day bo‘lib ketibdi. Filning hayqirig‘i butun o‘rmonni
tutib ketibdi. Fil qocha boshlabdi. Ammo arilar uni quvishaveribdi.
Nihoyat, fil holdan toyib, gumburlab yerga yiqilibdi. Arilar uni
o‘rab olishib:
— Xo‘sh, endi holing qalay, fil akajon? — deyishibdi.
Fil uyalganidan hatto boshini ham ko‘tara olmabdi.
— Fil akajon, — deyishibdi arilar, — sen haybatingga ishonib,
bizni qiynading. Lekin shuni bilginki, kuchsizlarni qiynaganning
holiga voy bo‘ladi.
www.ziyouz.com kutubxonasi

---

2 9