Bog‘dorchilik o‘zbekiston Respublikasi Oliy va o‘rta maxsus ta’lim vazirligi tomonidan kasb-hunar kollejlari o‘quvchilari uchun o‘quv qo‘llanma sifatida tavsiya etilgan «O‘zbekiston faylasuflari milliy jamiyati»

Qo‘ltiq novdalari va novdalarning uchini olib tashlash. Qo‘ltiq novdalarni rivojlanishning boshida olib tashlash yoki bitta-ikkita kurtak qoldirib uchini chilpish kerak. Agar tupda asosiy novdalar yetarli bo‘lib, qo‘ltiq novdalar faqat tupni qalinlashtirgan va oziq moddalarning sarflanishi sabab bo‘ladigan, hosilni soyalab qo‘yib, zamburug‘ kasalliklarini paydo bo‘lish xavfi tug‘iladigan va uzum boshlarining pishishi kechikadigan hollarda ular yulib tashlanadi. Ortiqchalari oziq moddalarni sarflab asosiy novdalarga va hosilga zarar yetkazadi.
Qo‘ltiq novdalarni butunlay olib tashlamaslik, balki uni qisqartirish kerak: bu qoldirilgan barglar novdalar bo‘g‘imida to‘planadigan va shakllanayotgan kurtaklarning oziqlanishi uchun zarur bo‘lgan oziq moddalar yetishtirishga yordam beradi. Bunday holda meva tugishi va hosildorligi kelasi yili yuqori bo‘ladi.
Kuchli o‘sadigan novdalarni olib tashlash. Tokning deyarli har bir tupida kuchli o‘sadigan, ba’zan esa surh novdalar ham bo‘ladi. Bular tana asosidagi zangda va ma’danli zanglarda joylashadi. Ular birinchi va ikkinchi yili kam hosil beradi. Bularning hosildorligini oshirish maqsadida tupning o‘sish kuchini ularda qo‘ltiq novdalar hosil bo‘lishiga yo‘naltirish maqsadga muvofiqdir. Bunda har bir novda uchun 3–4 qo‘ltiq novda qoldiriladi.
Qo‘ltiq novdalarda hosil yetishtirish va novdalarning uchini kesish. Novdalarning uchi chilpib tashlanganda oziq moddalar shakllanayotgan qo‘ltiq kurtaklarga boradi, bu esa ko‘p navlardagi ana shunday kurtaklardan to‘pgul hosil bo‘lishiga yordam beradi. Sun’iy yo‘l bilan hosil qilingan qo‘ltiq novdalar tez o‘sadi va yuqori agrotexnika qo‘llanganda anchagina mo‘l hosil beradi.
Tok barglari va uzum boshlarini siyraklashtirish. Uzum boshlariga havo kirishi va yorug‘lik tushishi uchun tok barglari siyraklashtiriladi. Buning natijasida g‘ujumlari yaxshi rang tortadi. Bu, ayniqsa, uzumning xo‘raki navlari uchun zarur. Bu ishni asosiy g‘ujumlar yumshay boshlagan vaqtga to‘g‘rilash mumkin, chunki g‘ujumlarni oftob urishidan saqlash kerak. faqat uzum boshi pastidagi novdaning barglari yoki hosilsiz novdalardagi soya beradigan barglar olib tashlanadi. Shu bilan bir vaqtda kuchsiz ri vojlangan keraksiz yashil novdalar olib tashlanadi, bu keyinchalik tokni ke sishni osonlashtiradi.