bob. Umumiy qoidalar 2-bob. Inspeksiya va uning hududiy boshqarmalarining vazifalari va funksiyalari 3

Mundareja

O‘ZBEKISTON RESPUBLIKASI MOLIYA VAZIRLIGI HUZURIDAGI DAVLAT MOLIYAVIY NAZORATI INSPEKSIYASI FAOLIYATINI TASHKIL ETISH CHORA-TADBIRLARI TO‘G‘RISIDA 1
1-bob. Umumiy qoidalar 2
2-bob. Inspeksiya va uning hududiy boshqarmalarining vazifalari va funksiyalari 3
3-bob. Inspeksiya va uning hududiy boshqarmalarining huquqlari va javobgarligi 8
4-bob. Inspeksiya va uning hududiy boshqarmalari faoliyatini tashkil etish 10
5-bob. Inspeksiya va uning hududiy boshqarmalari xodimlarining ish haqi va ularni moddiy rag‘batlantirish 13
6-bob. Yakunlovchi qoidalar 13

O‘ZBEKISTON RESPUBLIKASI VAZIRLAR MAHKAMASINING
QARORI

O‘ZBEKISTON RESPUBLIKASI MOLIYA VAZIRLIGI HUZURIDAGI DAVLAT MOLIYAVIY NAZORATI INSPEKSIYASI FAOLIYATINI TASHKIL ETISH CHORA-TADBIRLARI TO‘G‘RISIDA

O‘zbekiston Respublikasi Prezidentining “O‘zbekiston Respublikasi Davlat budjeti xarajatlarining samaradorligini yanada oshirish va davlat moliyaviy nazorati organlari faoliyatini takomillashtirish to‘g‘risida” 2022-yil 14-fevraldagi PQ-128-son qaroriga muvofiq Vazirlar Mahkamasi qaror qiladi:

1. Kuyidagilar:
O‘zbekiston Respublikasi Prezidentining “O‘zbekiston Respublikasi Davlat budjeti xarajatlarining samaradorligini yanada oshirish va davlat moliyaviy nazorati organlari faoliyatini takomillashtirish to‘g‘risida” 2022-yil 14-fevraldagi PQ-128-son qaroriga asosan O‘zbekiston Respublikasi Moliya vazirligi tarkibidagi Davlat moliyaviy nazorati departamenti va uning hududiy boshqarmalari negizida Moliya vazirligi huzuridagi Davlat moliyaviy nazorati inspeksiyasi (keyingi o‘rinlarda — Inspeksiya) tashkil etilganligi;
Vazirlar Mahkamasining “Moliya vazirligi huzurida davlat moliyaviy nazorati inspeksiyasi faoliyatini tashkil etish hamda budjet tashkilotlarida moliyaviy nazoratni takomillashtirish chora-tadbirlari to‘g‘risida” 2022-yil 24-martdagi 129-son qaroriga muvofiq Inspeksiya markaziy apparatining tuzilmasi va hududiy boshqarmalarining namunaviy tuzilmasi tasdiqlanganligi ma’lumot uchun qabul qilinsin.
2. Quyidagilarni nazarda tutuvchi:
a) O‘zbekiston Respublikasi Moliya vazirligi huzuridagi Davlat moliyaviy nazorati inspeksiyasi to‘g‘risidagi nizom 1-ilovaga muvofiq tasdiqlansin:
Inspeksiyaning maqomi va uning faoliyatini tashkil etish asoslari, vazifalari va funksiyalari hamda huquqlari va javobgarligi;
Inspeksiya tomonidan budjet qonunchiligiga rioya etilishini ta’minlash bo‘yicha budjet tashkilotlari bilan birgalikda tizimli ravishda profilaktika ishlarini olib borish;
masofaviy nazoratni faol qo‘llash va axborot texnologiyalaridan foydalanish orqali faoliyat samaradorligini oshirish;
davlat xaridlarida qonunchilik hujjatlarida belgilangan talablarga rioya etilishi ustidan moliyaviy nazoratni amalga oshirish;
Inspeksiya tizimida korrupsiya va boshqa qonunbuzarliklarning oldini olish bo‘yicha choralar ko‘rish, shuningdek, ularni aniqlash, tahlil qilish va yuzaga keltiruvchi omillarini bartaraf etish;
Inspeksiyaning faoliyatiga oid ma’lumotlar va nazorat tadbirlari natijalari yuzasidan hisobotlarni keng jamoatchilikka yetkazib borish.
b) O‘zbekiston Respublikasi Moliya vazirligi huzuridagi Davlat moliyaviy nazorati inspeksiyasini ijtimoiy rivojlantirish va xodimlarni moddiy rag‘batlantirish jamg‘armasi to‘g‘risidagi nizom 2-ilovaga muvofiq tasdiqlansin:
O‘zbekiston Respublikasi Moliya vazirligi huzuridagi Davlat moliyaviy nazorati inspeksiyasini ijtimoiy rivojlantirish va xodimlarni moddiy rag‘batlantirish jamg‘armasini (keyingi o‘rinlarda — Jamg‘arma) tashkil etish hamda mablag‘larini shakllantirish;
Jamg‘arma mablag‘lari hisobini yuritish va mablag‘lardan foydalanish maqsadlari;
Jamg‘arma bo‘yicha daromadlar va xarajatlar smetalarini tuzish va ularga o‘zgartirishlar kiritish;
Jamg‘arma mablag‘lari hisobidan Inspeksiya va uning hududiy boshqarmalari xodimlarini moddiy rag‘batlantirish tartibi;
Jamg‘arma mablag‘lari tushumi va xarajatlari to‘g‘risida hisobotlar tayyorlash hamda maqsadli ishlatilishini ta’minlash.
3. O‘zbekiston Respublikasi Hukumatining 3-ilovaga muvofiq ayrim qarorlariga o‘zgartirish va qo‘shimchalar kiritilsin.
4. O‘zbekiston Respublikasi Hukumatining 4-ilovaga muvofiq ayrim qarorlari o‘z kuchini yo‘qotgan deb hisoblansin.
5. Mazkur qarorning bajarilishini nazorat qilish O‘zbekiston Respublikasi Bosh vazirining moliya-iqtisodiyot va kambag‘allikni qisqartirish masalalari bo‘yicha o‘rinbosari — iqtisodiy taraqqiyot va kambag‘allikni qisqartirish vaziri J.A. Qo‘chqorov va O‘zbekiston Respublikasi moliya vaziri T.A. Ishmetov zimmasiga yuklansin.