bob. Umumiy qoidalar 2-bob. Inspeksiya va uning hududiy boshqarmalarining vazifalari va funksiyalari 3

5-bob. Inspeksiya va uning hududiy boshqarmalari xodimlarining ish haqi va ularni moddiy rag‘batlantirish

21. Inspeksiya moddiy-texnika ta’minoti O‘zbekiston Respublikasi Davlat budjeti, O‘zbekiston Respublikasi moliya tizimi xodimlarini moddiy rag‘batlantirish va ijtimoiy rivojlantirish jamg‘armasi, Inspeksiyani ijtimoiy rivojlantirish va xodimlarni moddiy rag‘batlantirish jamg‘armasi mablag‘lari, shuningdek, qonunchilik hujjatlari bilan taqiqlanmagan boshqa manbalar hisobiga amalga oshiriladi.
Inspeksiyaning boshqaruv xodimlari maqomi, mehnatga haq to‘lash va tibbiy xizmat sharoitlari bo‘yicha O‘zbekiston Respublikasi Moliya vazirligining tegishli xodimlariga tenglashtiriladi.

6-bob. Yakunlovchi qoidalar

22. Moliyaviy nazorat obyektlarining mansabdor shaxslari Inspeksiya va uning hududiy boshqarmalari xodimlari tomonidan davlat moliyaviy nazoratini amalga oshirish uchun zarur shart-sharoitlarni yaratishga majburdirlar.
23. Inspeksiya va uning hududiy boshqarmalarining faoliyatiga noqonuniy aralashish yoki to‘sqinlik qilish, noto‘g‘ri ma’lumotni taqdim etish yoki taqdim etishdan bo‘yin tovlash, shuningdek, Inspeksiyaning mansabdor shaxslarini Inspeksiyaga qonunchilik hujjatlari bilan yuklatilmagan vazifalarni bajarishga majburlash hamda ularga har qanday shaklda ta’sir ko‘rsatish taqiqlanadi va qonunchilikda belgilangan javobgarlikka sabab bo‘ladi.
24. Mazkur Nizom talablari buzilishida aybdor bo‘lgan shaxslar qonunchilik hujjatlarida belgilangan tartibda javob beradilar.
25. Mazkur Nizomning 5-bandi uchinchi xatboshisi 2023-yil 1-sentabrdan boshlab kuchga kiradi.
Vazirlar Mahkamasining 2022-yil 5-avgustdagi 431-son qaroriga
2-ILOVA