Bob. Korxonalarda mehnatni tashkil etish va normalashning mehnat unumdorligiga ta’sirining nazariy asoslari

Kurs ishining tuzilishi va hajmi. Kurs ishi kirish, uchta bobni o’z ichiga mujassamlashtirgan 6 ta bo’lim, xulosa va takliflar, foydalanilgan adabiyotlar royxatidan tarkib topgan.
Ishning kirish qismida mavzuning dolzarbligi, uning predmeti va ob’ekti, ilmiy izlanish maqsadi, vazifalari hamda mehnat unumdorligini oshirishning amaliy va nazariy asoslari va ahamiyati borasida qisqacha mazmuni o’z aksini topgan.
Kurs ishining birinchi bobida - mamlakatimizda islohotlarni chuqurlashtirish, modernizatsiya qilish va rivojlantirish sharoitida mahsulot ishlab chiqarish korxonalarida mehnat unumdorligini oshirishning nazariy asoslari, sub’ektlar faoliyatini rivojlanishining o’ziga xos xususiyatlari hamda mazkur tarmoq faoliyatiga ta’sir etuvchi omillar qisqacha bayon etilgan.
Ishning ikkinchi bobida , korxonalarda mehnat unumdorligini oshirishda mehnatni oqilona tashkil etish va normalash imkoniyatlarini kengaytirish istiqbollari kabi vazifalar yoritilgan.
Ishning xulosa qismida nazariy bilim va amaliy materiallar natijalarini umumlashtirgan holda mazkur tarmoqda mehnat unumdorligini oshirish imkoniyatlarini yanada rivojlantirish borasida ilmiy va amaliy asoslangan takliflarning qisqacha mazmuni o’z ifodasini topgan.
I BOB. KORXONALARDA MEHNATNI TASHKIL ETISH VA NORMALASHNING MEHNAT UNUMDORLIGIGA TA’SIRINING NAZARIY ASOSLARI.
1.1 Korxonalarda mehnatni tashkil etish, normalash va mehnat unumdorligi tushunchalarining mohiyati va o’zaro bog’liqligi.

Hozirgi iqtisodiyotni modernizatsiyalash sharoitida iqtisodiyotning oldida turgan muhim vazifalardan biri korxonalar mehnat unumdorligini oshirishda mehnatni oqilona tashkil etish va normalashdan iboradir. Buning uchun, hammadan avval ijtimoiy va iqtisodiy tizimlar rivojlanishining ob’ektiv qonunlaridan unumli va samarali foydalanish zarur.

Mehnatni tashkil etish fan va texnika yutuqlari hamda ilg’or tajribaga asoslanadi. U ishlab chiqarish jarayonida texnika va mutaxassislardan, material va mehnat resurslaridan samarali foydalanishni to’g’ri tashkil etgan holda, mehnat unumdorligi oshishini ta’minlaydi, mutaxassislarning salomatligini saqlashga, mehnatni hayotiy ehtiyojga aylanishiga yordam beradi.
Mehnatni tashkil etishning asosiy vazifasi-mehnat unumdorligini doimiy o’sishini ta’minlash, shuningdek, mehnatkashlarni har taraflama taraqqiyoti uchun sharoit yaratish, korxonalarda mehnatni tashkil qilishga taalluqli bir qator boshqa masalalarni bajarishga qaratilgandir.
Bu vazifalar quyidagilardan iborat:

• 
  mehnat intizomini yaxshilash;
  
• 
  mehnat sharoitini yaxshilash;
  
• 
  mehnatni engillashtirish;
  
• 
  xodimlarning madaniy-texnikaviy darajasini sistematik ravishda oshirish;
  
• 
  mehnatni mahsulot ishlab chiqarishdagi sarfini kamaytirish maqsadida takomillashtirish.
  

Yangi texnika mehnatning tashkil etishning ilg’or usuli bilan birgalikda ishlab chiqarish samaradorligini oshirishni ta’minlaydi.
Bozor iqtisodiyoti sharoitida eng muhim yo’nalishlardan biri korxonada oqilona mehnatni tashkil etish hisoblanadi. Har tomonlama ilmiy asoslangan va tashkil etilgan mehnat ishlab chiqarish harajatlarini kamaytirish va xo’jalik yurituvchi sub’ektlarni raqobatbardoshligini ta’minlash asosi hisoblanadi.
Mehnatni tashkil etishni samarador tizimini tashkil etish va bozor talablariga javob berishi uchun uni rivojlantirish omillarini tahlil qilish kerak.
Ishlab chiqarish kuchlari va munosabatlari ta’sirida va rivojlanishida insonlar mehnati tashkil etiladi. Shuning uchun mehnatni tashkil etishni 2 jihati mavjud:

1. 
   Tabiiy - texnik.
   
2. 
   Ijtimoiy - iqtisodiy.
   

Bu ikki jihat har doim bog’liq bo’lib, doimo bir-biriga ta’sir ko’rsatadi. Mehnatni tashkil etishni quyidagi asosiy vazifalari mavjud:

• 
  mehnatni taqsimlash va kooperatsiyalash, korxonada mehnat vazifalari boyicha muvofiq holatda ishchilar va guruhlarni taqsimlash;
  
• 
  mehnatni normalash kabi vazifalardan iborat bo’ladi.
  

Ma’lumki, iqtisodiy taraqqiyotda inson va uning mehnati jamiyatning asosiy ishlab chiqarish kuchi hisoblanadi. U bir vaqtning o’zida moddiy boyliklar va xizmatlarning ishlab chiqaruvchisi va iste’mol qiluvchisidir. Faqat inson ehtiyojini juda muhim deb bilgan va uning samarali takror ishlab chiqarilishini ta’minlangan jamiyatgina eng yuqori taraqqiyotga erishadi.
Shu munosabat bilan ishchi kuchiga talabni shakllantiruvchi tizimlarda xuddi shunday o’zgarishlar sodir bo’lishi, ya’ni haridorlar-mulkdorlar o’rtasida raqobat paydo bo’lishi kerak. Faqat shunday sharoitlarda bir tomondan, xodimning iqtisodiy faolligiga va boshqa tomondan, ishlab chiqarish vositalari egasining bozordagi iqtisodiy faolligiga asoslangan ijtimoiy-iqtisodiy rivojlanishga umid bog’lash mumkin.
Bundan tashqari, xodim eng yaxshi sharoitlarni qidira borib, bir yollovchidan boshqasiga o’tishga tabiiy intilishi ham mavjuddir. Amaliyotning ko’rsatishicha, ishlab chiqarish kuchlari darajasi qanchalik yuqori bo’lsa, migratsion faollik ham shunchalik jadaldir. Bunda xodimlarning bir qismi mehnat bozorida vaqti-vaqti bilan paydo bo’lib, vaqtincha ishlab chiqarishda ishtirok etmaydi. Shuning uchun mehnat bozori ijtimoiy bozor iqtisodiyoti va ijtimoiy-mehnat sohasining tarkibiy qismidir.
Mehnat narxi va ish haqi darajasi ishchi kuchiga talab va taklifga ta’sir qiladi, ular o’rtasidagi munosabatlarni tartibga soladi, kerakli mutanosiblik va muvozanatni saqlaydi. Tabiiy bozor mexanizmlariga ko’ra, ishchi kuchi - narx navo, bozor konyukturasiga tez va epchillik bilan javob beradi, uning haqiqiy ehtiyojiga muvofiq ko’payadi yoki kamayadi. Jadal mehnat bozori sharoitlarida ishsizlik - mehnatga layoqatli aholining band bo’lmagan qismi davra aylanishi vazifasini bajaruvchi tabiiy hodisa.
Keyingi yillarda mehnat bozori haqida aniqroq tushunchalar paydo bo’ldi. Ba’zi tadqiqotchilar mehnat bozorini ish haqi va daromadlarning erkin harakati orqali mehnatga talabni va ishchi kuchi taklifini o’zini-o’zi tartibga soluvchi mexanizm sifatida qabul qilmoqdalar. Boshqa iqtisodchilar tushuntiradilarki, mehnat bozori ish beruvchilar va yollanib ishlashni xohlovchilarni bevosita kelishuvi orqali talab va taklifni qanoatlantirish uchun sharoitlar yaratadi va ishchi kuchini harid qilish-sotish jarayonlarini bevosita tartibga solmaydi. I.S.Maslovanik ta’rifi boyicha «Mehnat bozori - bu, o’suvchi tizim, unda mulkchilik sub’ektlari ishchi joylari va ishchi kuchi takliflari, xodimga va «yollanma ishga talab hajmi, tarkibi va nisbatini shakllantirib, ishlab chiqarish omillari (mehnat vositalari va ishchi kuchi)ga o’zaro ta’sir etadi».
Mehnat bozori mavjud, ammo «kesik, shakli o’zgartirilgan ko’rinishda, buning ustiga har narsani o’z ichiga oladigan harakterga ega bo’lmay, balki mehnat munosabatlarining faqat bir qismini qamrab oladi».
Mehnat bozorining ishlashiga aloqador davlat tuzilmalari faoliyati amaliyotida unga turli ijtimoiy-iqtisodiy omillarni. shuningdek, siyosiy muammolarni hisobga olib, ijtimoiy va iqtisodiy jarayonlar birligi printsipidan kelib chiqib, ishchi kuchi bozori sifatida qaraladi. Ish bilan bandlik xizmati mehnat bozoridagi samarali siyosat deganda eng avvalo faol ish bilan bandlik siyosati o’tkazilishini, mehnat bozorining ishlashini yaxshilashni, mehnatkashlar va korxonalarning asoslangan xatti-harakatlari o’zaro uyg’unlashadigangina emas, balki ijtimoiy hamda siyosiy maqbul bo’lishi uchun bozorga qarshi turmay, unga muvofiq ishlaydigan maxsus muassasalar
(institutlar) va ijtimoiy infratuzilmaning samarali tarmog’ini yaratishni tushunadi.
Bozor iqtisodiy munosabatlar yig’indisi sifatida ish kuchining egasi bilan uning haridori (tadbirkor) o’rtasida tovar yoki xizmat ishlab chiqarilishi lozim bo’lgan aniq ish joyi xususida yuzaga keladi.
Ish kuchi egasi uchun u mehnat qilishi, layoqatini ko’rsatish, o’z ish kuchini qayta tiklashi uchun pul ishlab topishi mumkin bo’lgan ish joyiga ega bo’lishi imkoniyati yaratiladi. Tadbirkor uchun foyda olishning iqtisodiy sharoiti yaratiladi. Ish bilan bandlikning iqtisodiy munosabati tarkib topadi. Aynan mana shular mehnat bozorining ish bilan bandlik bozori sifatidagi asl mazmunini belgilaydi. Ish bilan bandlik bozori milliy, mintaqaviy va mahalliy darajalarda ko’rib chiqilishi mumkin. U davlat va nodavlat tuzilmalarni qamrab oladi. Unga davlat boshqaruvi elementlari, ish kuchi egalari o’rtasidagi ma’lum ish joyi, o’z mehnat layoqatini sotishning foydaliroq shart-sharoitlari uchun raqobat ta’sir etadi.
Korxonalarda mehnat unumdorligini oshishiga ta’sir etuvchi omillar Mehnat unumdorligini shakllanishining asosiy funktsiyalari quyidagicha:

• 
  insonlarni mehnatga bo’lgan layoqatini rivojlantirish, oshirish va tayyorlash uchun qulay muhit yaratish va qo’llab-quvvatlash;
  
• 
  ishchilarni to’liq va oqilona bandligi uchun qulay muhit yaratish;
  
• 
  ishchi kuchidan samarali foydalanish muhitini ta’minlash;
  
• 
  mehnat bandligini optimal tashkil qilish va samarali boshqarish muhitini shakllantirish;
  
• 
  mehnatga haq to’lashni baholash uchun muhit yaratish.
  

Mehnat unumdorligini oshishi turli xil tarmoqlarning amaliy faoliyatida muayyan o’rin egallaydi. Chunki, mehnat unumdorligi oshadigan barcha ob’ektlarda shaxslar va ijtimoiy guruhlarning o’zaro aloqalari iqtisodiy, ruhiy va huquqiy jihatdan tavsiflanadi. Mehnat munosabatlarida - shaxs-yollanma xodim; ish beruvchi-korxona (firma, xo’jalik), tadbirkor; davlat-sub’ekt sifatidan namoyon bo’ladi. Bu jarayonlarni quyidagicha guruhlash mumkin: ish bilan bandlik va mehnat munosabatlari; mehnatni tashkil qilish va uning samaradorligi bilan bog’liq mehnat munosabatlari; mehnatni taqdirlash va shu munosabat bilan yuzaga keladigan mehnat munosabatlari shaklda mavjud bo’ladi.
Ish beruvchi va ishlovchi o’rtasidagi munosabat - bu yollanma, bo’ysunadigan va mustaqil bo’lmagan mehnatdir. Buning teskarisi esa, jamoadan tashqari, shaxsiy mehnat - mustaqil mehnat bo’lib, ichki mehnat qoidalariga bo’ysunmaydi va mehnat huquqi hamda munosabatlari bilan tartibga solinmaydi. Shu bilan bir vaqtda ushbu muammo qishloq xo’jaligida mehnat qonunchiligining predmeti bo’lib, mehnat shartnomalari asosida va korxonalarda ma’lum mulkiy ulushga ega bo’lgan barcha ishlovchilar o’rtasidagi mehnat munosabatlari nuqtai nazaridan ham yondashish mumkin.