Biznesni boshqarish va axborot texnologiyalari fakulteti biznesni boshqarish kafedrasi

Liderlik – individ tomonidan guruh liderligiga xos layoqat va sifatlarning namoyon etilishi.
Madaniyat – jamiyat uchun xos bo’lgan qadriyatlar, me`yorlar va moddiy ishlab chiqarish.
Manfaat – individ yoki ijtimoiy guruhning u yoki bu ehtiyojlarini qondirish bilan bog’liq yo’nalganligi.
Mafkura – muayyan ijtimoiy guruh, qatlam, millat, jamiyat, davlat manfaatlari, orzu-istak va maqsad-muddaolari ifodalangan g’oyaviy-nazariy qarashlar va ularni amalga oshirish tizimi.
Maqsadli oqilona xatti-harakat – M.Veberga ko’ra, tashqi dunyo predmetlariv va boshqa odamlarga o’z maqsadiga erishish yo’lidagi shart-sharoit yoki vosita sifatida qaraydigan , oqilona yo’naltirilgan xatti-harakat.
Mentalitet (lot. mens – aql, idrok) – jamiyat, millat, jamoa yoki alohida shaxsning tarkib topgan tafakkur darajasi, ma`naviy salohiyati, hayot qonunlarini tahlil etish kuchi, muayyan, ijtimoiy sharoitlarda shakllangan aqliy qobiliyati.
Mexanistik maktab – jamiyatni statistik qismlardan tashkil topgan agregat sifatida mexanika, fizika, energetika va h.k. metodlar asosida o’rganish g’oyasini ilgari suruvchi “bir omil” pozitivistik-naturalistik maktablaridan biri.
Me`yorlar – muayyan ijtimoiy birlik doirasida qabul qilingan xulq-atvor qoidalari.
Millat – til, ma`naviyat, milliy o’zlikni anglash, ruhiyati, urf-odatlar, an`analar va qadriyatlar yagonaligi asosida muayyan hududda yashovchi ijtimoiy aloqalar bilan bog’langan mustaqil sub`ekt sifatida o’ziga xos moddiy va ma`naviy boyliklarni yaratuvchi kishilarning etnik birligi.
Neopozitivizm – sotsiologiyaning asosiy vazifasini inson xulq-atvorini sotsial voqea-hodisa sifatida tabiiy fanlarda tan olingan metodlardan foydalangan xolda o’rganishdan iborat, deb qaraydigan yo’nalish.
Neofreydizm – Z.Freydning psixoanalizi asosiga qurilgan, lekin undan farqli ravishda asosiy e`tiborni ongsizlik yoki psixik jarayonlardan ko’ra sotsiumdagi shaxs yoki shaxslararo munosabatlarga qaratgan yo’nalish.