Biznesni boshqarish va axborot texnologiyalari fakulteti biznesni boshqarish kafedrasi

Tizim – o’zaro munosabat va aloqada bo’lgan, muayyan yaxlitlikni hosil qiluvchi ko’p qismlar majmui.
Totalitarizm – siyosiy boshqaruv shakli, unda butun hokimiyat uning siyosatidan norozi bo’lganlarni terror qiluvchi, o’zining sodiq odamlariga tayanuvchi diktator qo’lida jamlanadi.
Turmush tarzi – ijtimoiy guruhlar, elat, halq, millatlarning kundalik hayotini ifodalovchi tushuncha.
Tushunish – ob`ektiv olamdagi narsa va hodisalar haqida tasavvur, tushuncha, hukmlar hosil qilish va ularni ongdagi mavjud bilimlar bilan bog’lashdan iborat aqliy jarayon.
“Tushunuvchi” sotsiologiya – M.Veberning “ideal tip” nazariyasi asosiga qurilgan sotsiologik kontseptsiyasi.
Tushuncha – narsa va hodisalarning umumiy muhim belgilarini aks ettiruvchi tafakkur shakli.
Umumlashtirish – narsa va hodisalarning o’xshash hamda muhim belgi va xususiyatlarini, bog’lanishlarini fikran muayyan tushunishga birlashtirish jarayoni va uning natijasi.
Fenomen (yun. phainomenon – yuz beruvchi) – 1) ko’zga ko’rinib turgan hol; 2) noyob, kam uchraydigan hol, yoki buyuk, yagona bo’lgan inson; 3) hissiy bilish, tajribada berilgan ma`lum bmr holni anglatuvchi atama.
Fenomenologik sotsiologiya – e.Gusserl’ning fenomenologik falsafasi asosiga qurilgan, sotsial hodisalarni individlar ongidagi jamiyat haqidagi tasavvurlar bilan tenglashtirishga harakat qiluvchi yo’nalish.
“Formal” sotsiologiya – G.Zimmel’ning sotsiologiyani xususiy ijtimoiy fanlarning bilish nazariyasi sifatida qarovchi kontseptsiyasi.
Frankfurt maktabi – Xorkxaymerning “jamiyatning tanqidiy nazariyasi” asosiga qurilgan, xarakterni hal qiluvchi o’ringa qo’yuvchi maktab.
Freydizm – jamiyatni tushuntirishda Z.Freydning psixologik ta`limotidan foydalanishga intiluvchi turli-tuman yo’nalishlarning umumiy nomi.
Funktsiya (lot. functia – amalga oshirish, bajarish) – faoliyat, ba`zi sistemalar doirasidagi ob`ektning unga mansubligi va roli; ob`ektlar o’rtasidagi aloqalar ko’rinishi bo’lib birining o’zgarishi ikkinchisining ham o’zgarishiga olib keladi, bunda ikkinchi ob`ekt dastlabkisining funktsiyasi deyiladi.