Biznesni boshqarish va axborot texnologiyalari fakulteti biznesni boshqarish kafedrasi

Ob`ekt (lot. objiect – narsa) – sub`ektning bilish va amaliy faoliyatida unga qarama-qarshi turadigan narsa.
Ob`ektiv reallik – inson ongiga bog’liq bo’liagan, undan tashqaridagi moddiy olam.
Olomon – qiziqishlarining umumiyligiga ko’ra yopiq makonda vaqtinchalik to’plangan insonlar yig’indisi.
“Organik” sotsiologiya – G.Spenser tomonidan asos solingan jamiyat va tabiatning aynanligiga asoslangan sotsiologik kontseptsiya.
Pozitiv usul – O.Kontga ko’ra, ilmiy kuzatishlar, eksperiment va taqqoslash usuli yordamida to’plangan empirik ma`lumotlarni tahlil qilish.
Pozitivizm (lot.positius – mavjudlik)– O.Kont asos solgan, ijobiy bilimlarni alohida mavjud bo’lgan maxsus fanlarning natijasi va ularning uzviy birlashmasi natijasi sifatida qarovchi yo’nalish.
Predmet – inson faoliyati va bilish jarayonida ob`ektlar dunyosidan ajratib qaralgan ma`lum bir yaxlitlikni ifodalovchi tushuncha.
Printsip – turli ahamiyatga ega bo’lgan faktlar va bilimlar majmuining asosi, poydevori, har qanday xatti-harakat, xulq-atvor va faoliyatning boshlang’ich qoidalari.
Prognoz – biror bir hodisaning kelajakdagi holati haqidagi ilmiy tadqiqotlarga asoslangan ehtimoliy mulohaza.
Propaganda (lot. yoyish, tarqatish) – keng ma`noda: ijtimoiy faoliyatning alohida turi bo’lib, aholining ijtimoiy-siyosiy faolligini oshirish maqsadida ilmiy, badiiy, ijtimoiy-siyosiy, milliy g’oya va qadriyatlarni targ’ib etishdir; tor ma`noda: mafkura va siyosatni targ’ib etishga qaratilgan faoliyatdir.
Psixoanalitik sotsiologiya – Z.Freyd asos solgan, insonning sotsial faoliyatida ongsiz impul’slarning hal qiluvchi rolini tan oluvchi yo’nalish.
Ramziy (simvolik) interaktsionizm – sotsial xatti-harakatni faqatgina uni amalga oshiruvchi insonning nuqtai-nazaridan kelib chiqib o’rganish g’oyasini ilgari suruvchi yo’nalish.
Sanktsiya – rag’batlantirish yoki jazolash turlari bo’lib, ular yordamida ijtimoiy maqbul bo’lgan xulq-atvor me`yorlari mustahkamlanadi.