Бизнес ва мулокот конунлари аюпов Равшан Хамдамович

Ҳеч ким буйруқ берилганини ёқтирмайди. 
Ҳеч қачон бировга буйруқ берманг ва бировга бирор нима қилдирмоқчи 
бўлсангиз, унинг ўзини ҳаракат қилдиринг ва унга ўз шахсий тажрибасида 
ниманидир ўрганишига имкон яратинг. Бошқа одамга иш буюрганда 
қуйидаги сўзларни ишлатиш мақсадга мувофиқдир: “
Бу ҳақда ўйлаб кўринг”, 
“Балки бу ишни бошқача қилиш мумкиндир”, “Мана бундай қилинса 
қандай бўлар экан
” ва хакозолар. Бундай холда иш буюриш инсонга 
хурматни кўрсатади ва у ўзини аҳамиятлироқ ҳис қила бошлайди. Лекин 
“
Буни ва мана буни қилинг”, “Мана буни ва анавини қилманг
” деган 
гапларни камроқ ишлатинг. Бундай гаплар ва тегишли муомала усули 
инсонларга ёмон таъсир қилади ва у Сиздан ҳафа бўлиб қолиши мумкин. 
Бирор бир одамни ҳафа қилмасдан унга таъсир қилмоқчи бўлсангиз, унга 
буйруқ бериш ўрнига ўша буйруғингиз бажарилишига олиб келадиган 
топшириқсимон саволлар кетма-кетлигини беринг.

Инсонларга ўз обру-эътиборларини қутқаришга имкон беринг. 

---

Аюпов Равшан Хамдамович 
22 
Кўпинча ўз гапимизда туриб олиб, хатолар қидириб, қўрқитиб, инсонни 
бошқалар ҳузурида беаёв танқид қилиб, биз бошқа инсонларни қаттиқ ҳафа 
қилиб қўямиз. Натижада бу инсон баъзида ўз-ўзига ишончини ва бизга 
бўлган ҳурматини ҳам йўқотиб қўяди. Лекин бир неча дақиқалик эътибор, 
икки-уч ҳурмат ила айтилган сўз ва ҳамсуҳбатнинг ҳолатини дилдан тушуниб 
етиш унга етказилган кўнгил оғриғини анча енгиллаштириши мумкин.

Қандай 
қилиб 
инсонларни 
муваффақиятга 
эришишга 
илҳомлантириш мумкин? 
Агар бирор бир инсонни озгина бўлса ҳам муваффақиятга эришгани билан 
яхшилаб мақтасангиз, у муваффақиятга эришиш йўлида яна ҳам тер тўкиб ва 
шиддат билан ишлай бошлайди. Лекин мақтовни аяманг ва уни баҳолашда 
алдов қўшмасдан, инсонни юракдан чиқариб мақтанг. 
