Bitiruvoldi amaliyoti

Texnologik oqimni loyihalash
Texnologik oqimni loyihalash quyidagi bosqichlarga (etaplarga) bo‘linadi: I - texnologik,

2. 
   - oqimni hisoblash,
   
3. 
   - oqimni boshqarishni tashkil etish, IV - tikuv sexlarini planlashtirish.
   

Texnologik oqimlarni loyihalash bir-biriga bog‘liq bo‘lsa ham, ammo bosqichlari alohida bajariladi.

1. 
   bosqich- texnologik. Bu bosqich quyidagilarni o‘z ichiga oladi: asosiy modelni tanlash, gazlama tanlash, jihoz va asbob-uskunalarni tanlash, ishlov berish usul va rejimlarini tanlash, texnologik operatsiya ishlari vaqtini normalashtirish.
   
2. 
   bosqich - oqimni hisoblash: oqimning dastlabki hisobi, oqimning tashkiliy formasini tanlash, mehnat taqsimotini tuzish, TIK hisobi.
   
3. 
   bosqich - oqimda ishni tashkil etish: zamonaviy yuqori unumdorli jihozlarni qo‘llash, sifatni boshqarish yo`llarini ishlab chiqish, transport vositalarini tanlash.
   
4. 
   bosqich – tikuv sexini planlashtirish (jihozlarni oqimda joylashtirish): jihozlarni va ish o‘rinlarini joylashtirish. Sex plani, ish o‘rinlarini tashkil etish, ish o‘rinlarini texnologik ta’minlash.
   

III-bosqich - oqimda ishni tashkil etish

Zamonaviy yuqori unumdorli jihozlarni qo'llash
Sifatni boshqarish yo'llarini ishlab chiqish
Transport vositalarini tanlash

Oqimlarni tashkil qilish

Tikuvchilik korxonalarida ishlab chiqarish sharoitlariga ko‘ra oqim usulining turli jadvallari qo‘llaniladi. Uning jadvallari texnika bilan jihozlanishiga, ishning tashkiliy jadvaliga, mehnat predmetining uzatilish usuliga, korxona va uning bo‘limlarining quvvatiga, ixtisoslashtirish darajasiga va hokazolarga ko‘ra xarakterlanadi.

Oqimlar texnika bilan jihozlanish darajasiga ko‘ra birinchi va ikkinchi avlod oqimlarga bo‘linadi. Birinchi avlod oqimlar oddiy baxya soladigan, ko‘p ignali maxsus mashinalar, bir vaqtda tikib va yurmaydigan mashinalar, yarimtayyor mahsulotlarni mashinaga uzatadigan yordamchi mexanizm va yordamchi usullarni bajaradigan mexanizatsiyalash va avtomatlashtirish vositalari bilan jihozlangan mashinalar qo‘llanilishi bilan xarakterlanadi. Bunday oqimlar birinchi avlod kompleks mexanizatsiyalashgan oqim nomini olgan. Ikkinchi avlod oqimlar esa buyum detallarni yig‘ish uchun ishlatiladigan yarim avtomatlar va avtomatsiz harakat qiladigan agregatlashtirilgan tikuv mashinalarining yangi turdagi polimer materiallar va hokazolarning qo‘llanilishi bilan xarakterlanadi. Ikkinchi oqim avlodlarda uzluksiz texnologiya prinsipi, birinchi navbatda, mashinaning ish zonasiga yarimtayyor mahsulotlarni donalab uzatish o‘rniga beto‘xtov rulonlar uzatish qo‘llanilishi ko‘zda tutiladi.
Hozirgi vaqt ikkinchi avlod kompleks mexanizatsiyalashtirilgan oqimlar ishlab chiqilgan.
Ishni tashkil qilish jadvaliga ko‘ra tikuv sexlarida qo‘llaniladigan oqimlar
qat’iy ritmli, erkin ritmli va kombinatsiyalashgan turlarga bo‘linadi.
Qat’iy ritmli oqimlarda ish yarimtayyor mahsulotlarni qat’iy belgilangan miqdorda (donalab) ma’lum vaqt oralig‘ida uzatib turish bilan amalga oshiriladi. Ish o‘rinlari buyum tikishning texnologik izchilligiga ko‘ra joylashtiriladi.
Erkin ritmli oqimlarda ish erkin ritmda boradi. Ish o‘rinlariga yarimtayyor mahsulotlar pachkalab uzatiladi. Bunda harakatlanmaydigan uzatish vositalari yoki mexanik transportyorlar qo‘llanilishi mumkin.

11. 
    – rasm. Erkin ritmli oqimlarda ish o‘rinlarini joylashtirish.
    

Erkin ritmli oqimlar qat’iy ritmli oqimlarga nisbatan bir qator afzalliklarga ega. Bunda yangi fason mahsulot tikish rejalashtirganda oqimning hamma ish o‘rinlarida ishni qayta tashkil qilish talab etilmaydi, ish vaqti tejaladi, ya’ni yordamchi ish usullariga vaqt isrof bo‘lmaydi, har bir ishchining individual mehnat unumdorligini oshirish imkoni yaratiladi va jihozlardan to‘liq foydalaniladi.