|
Stollarga dasturxon yozilishi.
Avval stollar ustiga qalinroq yumshoq mato solinadi, so’ngra dasturxon yoziladi.Ustiga idishlar qo’yilganda taqir-tuqur ovoz chiqmaydi, chinni, shisha va boshqa xil idishlar sinmaydi, idish tubi stolda tekis turadi, to’kilgan suyuqlik namini o’ziga tortadi.
Restorandagi banket stollari ustiga yoziladigan dasturxonlar ularga mos kelishi zarur. Vir dasturxonni bitta stolga solish mumkin, uning chetlari stol chetidan 20– 30 sm osilib turishi kerak. Agar bundan uzun bo’lsa, osilib qoladi, kalta bo’lsa, xunuk ko’rinadi. Agar stolning yon tomoniga odam o’tirmaydigan bo’lsa, stol chetidan 30–40 sm osilib turishi mumkin.
Banket stoliga fujerlar qo’yilganda ofitsiant shu narsaga e’tibor berishi kerakki, fujerlar tarelka chekkasida 3–5 sm oraliqda tursin. Stolning chiroyli chiqishi ko’p hollarda fujerlarning did bilan terilishiga bog’lik. Fujerlardan o’ng tomonda, stol chetiga parallel qilib ryumkalar teriladi. Fujer va ryumkalar orasiga shampan qadaxlari qo’yiladi. Konyak yoki likyor uchun ryumkalar bu ichimliklar keltirilganda olib kelinadi.
Yasatilgan banket stolida ortiqcha hech narsa bo’lmasligi, u uziga xos badiiy ko’rinishli bo’lishi kerak. Ziravorlar solingan idishchalar juft-juft qo’yiladi.Tuz chap tomonda, garimdori – o’ng tomonda bo’ladi.Usti ochiq idishli ziravorlarga kichkina qoshiqcha qo’yiladi.
Banket stoli yasatishdagi o’ziga xos xususiyatlardan yana biri shundan iboratki, har bir banket qatnashchisi tarelkasining o’ng tomonida stol markaziga yaqin joyda taomnoma kartochkasi bo’ladi, bu kartochka bosmaxonada bosilgan yoki kompyuterdan chiqarilgan bo’ladi, shuningdek mehmonning tashrif kartochkasi qo’yiladi.
Har bir taomnoma-kartochkada banketning turi ko’rsatiladi. Agar banket xorijiy delegatlar sharafiga o’tkazilayotgan bo’lsa, kartochka ikki tilda – mehmon millati tilida va banketni tashkil qiluvchilar tilida chop qilinadi. Rasmiy qabul-banketlarda mehmonlarnistol atrofiga joylashtirishda quyidagi qoidalarga rioya qilish nazarda tutiladi:
1. Eshikdan kirish qarshisida hurmatli mehmon uchun o’rin belgilanadi, agar
eshik yonboshda bo’lsa, hurmatli mehmon o’rni ko’cha tomondagi derazalar
qarshisidan belgilanadi.
2. Qabul-banketayol sardorning o’ng tomonidagi o’rin hurmatli joy hisoblanadi, xo’jayinning o’ng tomoni – ikkinchi joy bo’ladi.
3. Ayollar bo’lmasa, hurmatli o’rinlar qabul-banket sardoridan o’ng tomondagi
va undan chapdagi – ikkinchi o’rin hisoblanadi.
4. Aziz mehmon banket sardori ro’parasida o’tiradi. Bunda sardordan chap
tomondagi joy ikkinchi o’rin buladi.
5. Agar qabul-banket sardori ayoli yo’q bo’lsa, uning roziligi bilan mehmonlardan biron ayol bu joyni egallashi mumkin.
Axloq-odob qoidalariga binoan banketda ayollarga birinchi navbatda xizmat qilinadi. Hurmat nuqtai nazaridan ba’zan banket sardori ayol roziligi bilan hurmatli mehmonlarga oldin xizmat ko’rsatiladi.
Agar mehmonlar qayerga o’tirishlari lozimligini oldindan bilsalar, yana ham yaxshiroq bo’lardi. Buning uchun mehmonlar peshzalda yig’ilishgandayoq o’tiriladigan joylar rejasi ularga ko’rsatilsa, maqsadga muvofiq bo’ladi. Restoranda banket zaliga kirish uchun ko’rsatkichlar qo’yiladi. Banket stollari bezatilib bo’lgandan so’ng, bosh ofitsiant banket xizmatining xususiyatlari haqida ofitsiantlarga tushuntiradi, ularni sektorlarga, stollarga biriktiradi. Har bir ofitsiantga vino va taomlar berish, sektorlar xizmatida navbat qoidalariga rioya qilish haqida tushuntiriladi.
Mehmonlar zalga kirishi bilan har bir ofitsiant o’z sektorida ularga o’tirishida yordam qiladi.Hurmatli mehmonlarga bosh ofitsiant qaraydi. Mehmon kutishning eng murakkab tomoni – mehmonlar soni ko’p bo’lgan banketlarda xizmat qilishdir.Xizmat qilish qulay bo’lsin deb sektorlardagi hamma stollarga raqamlar qo’yib chiqiladi.Odatda raqam qo’yish to’rga qo’yilgan stollardan boshlanadi. Eshikka yaqin stollarga oxirgi raqamlar beriladi.
Xizmat qilish tartib-qoidalari haqida bosh ofitsiant oldindan reja tuzib oladi.Rejada stollar, sektorlar, xizmat qiladigan ofitsiantlar familyalari yoziladi.
Do'stlaringiz bilan baham: |
