Bitiruv oldi malakaviy amaliyoti bo’yicha hisob ot

Bufetdagi maxsulotlarni olish.Bosh ofitsiant va ofitsiantlar brigadiri oldin tuzilgan buyurtma bo’yicha ichimliklar oladi. Xizmat boshlanishiga qadar hamma narsani taxt qilib qo’yiladi.
Mebellarni joylashtirish. Banket o’tkazishda mebellar quyidagicha o’rnatiladi. Stollar, stullar, kreslo, yarimkreslolar, ofitsiant uchun yordamchi stol, servantlar qo’yiladi. Agar buyurtma berilishida aytilgan bo’lsa, kofe uchun alohida zal tayyorlanadi va shunga moslangan stol, stul, kreslo, yarimkreslo, divan qo’yiladi. Restoranda hamma vaqt ham tegishli banket stollari bo’lavermaydi. Bular odatdagi kvadrat stollar bilan almashtirilishi mumkin, chunki bunday stollardan xohlagan banket stollari yasash imkoni bor.
Agar banket qatnashchilari uncha ko’p bo’lmasa, dumaloq stol atrofiga o’tqazish lozim, bu ancha qulay, hamma qatnashchilar bir-birlarini ko’rib turadilar, bunday stollarga 8 dan 25 kishigacha joylashtirish mumkin.
Alohida zalda kofe tarqatishda dumaloq yoki cho’zinchoq stollardan foydalanish tavsiya etiladi, bularga 10–12 mehmon sig’ishi mo’ljallanadi.
Banket stollarini joylashtirishda zalning maydoni hisobga olinadi, uning sig’imi, banket ishtirokchilarining miqdori, oyna-eshiklar joylashuvi, ustunlar, tokchalar mavjudligi nazarda tutiladi. Stollarni bir qator bir-biriga parallel qilib qo’yish mumkin. Bunda hurmatli mehmonlar uchun alohida joy ajratiladi. Eng muhimi shundaki, zaldagilarning birontasi hurmatli mehmonlarga orqa tomoni bilan o’tirmasin. Bu haqda bosh ofitsiant g’amxo’rlik qilishi kerak. O’rinlarni rejalashtirganda buyurtmachi bilan kelishib olish kerak.
Ayniqsa, xorijiy mehmonlar, turistlar ziyofatida o’sha mamlakatlarga xos udumlar qo’llanilishi maqsadga muvofiqdir, Banket stollari eni bo’yicha bir tekis, to’g’ri turishi uchun mayda-chuyda nuqsonlarni ham tugatish kerak. Buning uchun stol oyoqlari ostiga tegishli narsalar tiqishtirish kerak. Stollarni bir-biriga zichlab qo’yish bilan ham bunga erishish mumkin. Ayniqsa, hurmatli mehmonlar o’tiradigan stollarga ehtiyot bo’lish kerak. Mehmon stol bilan ko’ndalang qo’yilgan asosiy stollar orasida 1–2 m li yo’lak b0’lishi zarur. Hurmatli mehmonlar uchun stol faqat bir tomondan yasatiladi, uning eni ensizroq bo’ladi, lekin 70 sm dan kam bo’lmasligi kerak.
3-rasm⁴.Stol servirovkasida anjomlarni joylashtirish tartibi