Bitiruv malakaviy ishiga tushuntirish xati

Uch tikanli yoki oddiy gledichiy-	40m gacha balandlikdagi, yirik to‘g‘ri tanali, qalin to‘rsimon, nihoyatda manzarali shox-butoqli daraxt. Shox va novdalarida juda qattiq va o‘tkir, 10sm gacha uzunlikdagi tikanlar bo‘ladi. Barglari ikki qavat tukli, qoramtir-yashil, yaltiroq, 30sm gacha uzunlikda, aprelda kurtak yozadi. Gullari mayda, yashimtir, 8sm gacha uzunlikdagi shokiladi. Iyunda gullaydi. Meva (dukkak)lari qizil, qo‘ng‘ir, yaltiroq, osilgan, 50sm gacha uzunlikda, qishning o‘rtasigacha daraxtda turadi.	Yorug‘liksevar. Qurg‘oq-chilga chidamli. Tuproqqa talabchan emas. Shamolga bardoshli. Tuproqning zichligiga, tutunga, changga yaxshi bardosh beradi. Issiqsevar, tez o‘sadi. Yosh davrida butashni yaxshi qabul qiladi.
Xiyobonlar, turkumlar uchun va qalin jonli to‘siqlar yaratish uchun tavsiya qilinadi.
Kaspiy gledichiyasi-	15m gacha balandlikdagi daraxt. Tana va shoxlari to‘g‘ri, oddiy tikanli.	Uch tikanli gledichiyaga qaraganda qurg‘oqchilga kam bardoshli, sekin o‘sadi.
Ispan drogi-	Uncha katta bo‘lmagan, quyuq shox tanali, yuqoridan qoramtir-yashil, pastdan kulrang bo‘lgan uzun bargli va ko‘p miqdordagi sariq gulli buta. May-iyun oylarida gullaydi.	Yorug‘liksevar. Tuproqqa talabchan emas. Qurg‘oqchilga bardoshli.	Baland bo‘lmagan jonli to‘siqlar va turkumlar uchun tavsiya qilinadi.
Yangi meksika akasi-	8m gacha balandlikdagi, noto‘g‘ri shakldagi tarvaqaylagan shox-butoqli, barglari yirik, juft bo‘lmagan tukli, kulrang-yashil bo‘lgan daraxt yoki yirik buta. Binafsharang yoki oq-pushti gullari 2,5sm gacha diametrda bo‘lib, quyuq va ko‘p sonli to‘g‘ri popuklarga yig‘ilgan. Mo‘l-ko‘l va uzoq vaqt 2-2,5 oy davomida gullaydi.	Tez o‘sishi bilan ajralib turadi. Yorug‘liksevar. Qurg‘oqchilga chidamli.	Dam olish maydonchalarida yakka va turkum holida ekish uchun tavsiya qilinadi.
Sariq akas-	7m gacha balandlikdagi katta bo‘lmagan daraxt yoki baland buta. Barglari tukli, bahorda och yashil, yozda qoramtir yashil. Gullari yakka holda, sariq rangda, yetarlicha yirik.	Sovuqqa bardoshli. Yorug‘liksevar. Qurg‘oqchilga va sho‘rga chidamli. Tuproqqa talabchan emas. Ortiqcha namlanish va botqoqlanishdan qochadi. Tez o‘sadi. Butashni yaxshi qabul qiladi. Tutun va gazga chidamli.	Jonli to‘siqlar va turkum holida ekish uchun foydalanilishi mumkin.