Битирув ишида Самарқанд давлат чет тиллар институти талабаларининг касбий фаолиятини ҳисобга олган ҳолда "Ўзбекистон тарихи" фанидан маъруза ва семинар машғулотларни касбга боғлаган холда ташкил этиш масаласи ёритилган

БИТИРУВ ИШИНИНГ
МУНДАРИЖАСИ

КИРИШ	3
I БОБ. ЎЗБЕКИСТОН ТАРИХИ ФАНИНИ ЎҚИТИШНИНГ НАЗАРИЙ МАСАЛАЛАРИ	6
1.1. Ўзбекистон тарихи фани тараққиётининг устувор йўналишлари	6
1.2. Ўзбекистон тарихи фанини ўқитишдаги инноватциялар ва илғор хорижий тажрибалар	12
1.3. 1-боб юзасидан хулоса ва таклифлар	25
II БОБ. ЎЗБЕКИСТОН ТАРИХИ ФАНИДАН ЭЛЕКТРОН ЎҚУВ МОДУЛИ ИШЛАНМАСИ	27
2.1. Ўқув фани дастурининг қисқача тавсифи	27
2.2. “Туркистонда жадидчилик ҳаракати” мавзусидаги машғулотнинг технологик модели, харитаси ва маъруза матни	40
2.3. Мавзу юзасидан фойдаланиладиган интерфаол усуллар ва амалий топшириқлар ишланмаси	52
2.4. Назорат топшириқлари ва мустақил таълим юзасидан кўрсатмалар	58
2.5. Мавзу юзасидан тақдимотлар	63
2.6. 2 -боб юзасидан хулоса ва таклифлар	71
Фойдаланилган адабиётлар	74

К и р и ш
Битирув ишининг долзарблиги. Ҳозирги даврда таълим тизимида туб ўзгаришлар амалга ошаётган бир даврда янги педагогик технологияларни қўллаш муҳим аҳамият касб этмоқда. Бу ўқитиш жараёнига модулли ёндашувни тақозо қилади. Модул – бу фаннинг бир ёки бир неча тушунчаларини ўзлаштиришга йўналтирилган, ишлаб чиқилган тамойиллар асосида шаклланган мантиқан тугалланган ўқув материалидир. «Модулли ўқитиш» термини халқаро тушунча - модул билан боғлиқ бўлиб («модул», лат. модулус), унинг битта маъноси фаолият кўрсата оладиган ўзаро чамбарчас боғлиқ унсурлардан иборат бўлган тугунни билдиради. Бу маънода у модулли ўқитишнинг асосий воситаси сифатида, тугалланган ахборот блоки сифатида тушунилади.
Ўқув материалининг ўзлаштирилишига машғулотлар пайтида модулнинг амалий аҳамияти қай даражада очиб кўрсатилганлиги, модул мазмунини бошқа модуллар билан боғлиқлиги, шу модулни ўрганишдаги ўқувчиларнинг бир хил хатоликлари таҳлили муҳим аҳамиятга эга.
Модул - мустақил таркибий бирлик бўлгани учун, баъзи ҳолларда, алоҳида ўқувчиларга фанни тўлалигича эмас, балки фақатгина бир қатор модулларни тинглаш имкониятини беради. Бу эса иқтидорли ўқувчиларнинг индивидуал ва мустақил ишларини оптимал режалаш имкониятини туғдиради.
Модулли ўқитишга ўтишда қуйидаги мақсадлар кўзланади:

• 
  ўқитишнинг (фанлар орасида ва фаннинг ичида) узлуксизлигини таъминлаш;
  
• 
  ўқитишни индивидуаллаштириш;
  
• 
  ўқув материалини мустақил ўзлаштириш учун этарли шароит яратиш;
  
• 
  ўқитишни жадаллаштириш;
  
• 
  фанни самарали ўзлаштиришга эришиш.
  

Шундай қилиб, модулли ўқитишда ўқувчиларни ўз қобилиятига кўра билим олиши учун тўла зарурий шарт-шароитлар яратилади.