Бирлашган Миллатлар Ташкилотининг Халқаро товарлар олди-сотдиси шартномалари тўғрисидаги

V-бўлим. Шартномани бекор қилиш оқибатлари


81 - модда

1) Шартномани бекор қилиш иккала тарафни тўланиши мумкин бўлган зарарлар ундирилиши ҳуқуқи сақланган ҳолда шартнома бўйича мажбуриятлардан озод қилади. Шартноманинг бекор қилиниши у бекор қилинган тақдирда шартноманинг баҳсларни ҳал қилиш ёки тарафларнинг ҳуқуқ ва мажбуриятларига тегишли бўлган бирор-бир қоидасига таъсир қилмайди.

2) Шартномани тўлиқ ёки қисман бажарган тараф иккинчи тарафдан шартнома бўйича етказиб берилган ёки тўланганларни қайтаришни талаб қилиши мумкин. Агар иккала тараф олинганларни қайтаришга мажбур бўлса, улар бу ишни бир вақтда қилишлари лозим.

82 - модда

1) Сотиб олувчи учун у товарни олган вақтдаги ҳолатда қайтариш имкони бўлмаса, сотиб олувчи шартномани бекор қилиш ёки сотувчидан товарни алмаштириб беришни талаб қилиш ҳуқуқини йўқотади.

2) Аввалги банд қуйидаги ҳолларда қўлланмайди:

а) агар товарни қайтариб бермаслик ёки товарни олган вақтдаги ҳолатда қайтариш имкони бўлмаслиги унинг ҳаракати ёки камчилиги натижасида юзага келмаган бўлса;

b) агар товар ёки унинг қисми 38- моддада кўзда тутилган кўрик натижасида яроқсиз ҳолга келиб қолган бўлса ёки бузилган бўлса; ёки
с) агар товар ёки унинг қисми савдони нормал юритиш тартибида сотилган бўлса ёки сотиб олувчи томонидан товарнинг шартномага номувофиқлигини аниқлагунга қадар ёки аниқлаши лозим бўлган пайтгача қилинган бўлса.
83 - модда

Шартномани бекор қилиш тўғрисида билдириш ёки 82- моддага мувофиқ сотувчидан товарни алмаштириб беришни талаб қилиш ҳуқуқидан маҳрум бўлган сотиб олувчи шартнома ва мазкур Конвенцияда кўзда тутилган бошқа барча ҳуқуқий ҳимоя воситаларига бўлган ҳуқуқи сақлаб қолинади.

84-модда

1) Агар сотувчи нархни қайтариб беришга мажбур бўлса, у шунингдек нарх тўланган санадан бошлаб ундан фоизларни ҳам тўлаши зарур.

2) Сотиб олувчи сотувчига товар ёки унинг қисмидан олинган барча даромадни бериши керак:

а) агар у товарни тўлиқлигича ёки қисман қайтариб беришга мажбур бўлса; ёки

b) агар у учун товарни тўлиқлигича ёки қисман ёки товарни олган вақтдаги ҳолатда қайтариб бериш имкони бўлмаса, бироқ у шартномани бекор қилиш тўғрисида билдирган бўлса ёки сотувчидан товарни алмаштириб беришни талаб қилса.