Бирлашган Миллатлар Ташкилотининг Халқаро товарлар олди-сотдиси шартномалари тўғрисидаги

94 - модда

1) Мазкур Конвенция билан бошқариладиган масалалар бўйича айнан бир хил ёки шунга ўхшаш ҳуқуқий меъёрларни қўлла йдиган иккита ёки ундан ортиқ Келишаётган давлатлар ҳар қандай вақтда тарафларнинг тижорат корхоналари ушбу давлатларда жойлашган ҳолларда олди-сотди шартномалари ёки уларни тузишга Конвенция қўлланмаслиги тўғрисида билдириши мумкин. Бундай аризалар биргаликда ёки бир томонлама ўзаро аризалар йўли билан қилиниши мумкин.

2) Мазкур Конвенция томонидан бошқариладиган масалалар бўйича мазкур Конвенция иштирокчилари бўлмаган битта ёки бир нечта давлатларнинг айнан бир хил ёки шунга ўхшаш ҳуқуқий меъёрларни қўллайдиган Келишаётган давлат ҳар қандай вақтда тарафларнинг тижорат корхоналари шу давлатларда жойлашган тақдирда мазкур Конвенциянинг олди-сотди шартномаларига ёки уларнинг тузилишига нисбатан қўлланмаслиги ҳақида билдириши мумкин.

3) Аввалги бандга биноан ариза қилинаётган давлат кейинчалик Келишаётган давлат бўлиб қолса, қилинган ариза мазкур Конвенция ушбу янги Келишаётган давлатга нисбатан кучга кирган пайтдан бошлаб 1-бандга мувофиқ қилинган аризанинг кучига эга (ушбу янги Келишаётган давлат шундай аризага қўшилса ёки бир томонлама ўзаро ариза берилганлиги шарти билан) .

95 - модда

Ҳар қандай давлат ўзининг ратификация ёрлиғи, қабул қилиш, тасдиқлаш ёки бирлашиш тўғрисидаги ҳужжатни сақлашга топширишда мазкур Конвенциянинг 1-моддаси 1-бандининг "b" кичик бандининг қоидалари билан боғлиқ бўлмаслиги ҳақида билдириши мумкин.

96 -модда

Қонунчилиги олди-сотди шартномалари ёзма равишда тузилиши ёки тасдиқланишини талаб қиладиган Келишаётган давлат, мазкур Конвенциянинг олди-сотди шартномаси, унинг тарафларнинг келишувчи билан ўзгартирилиши ёки тугатилиши, оферта, акцепт ёки ниятнинг ҳар қандай бошқа ифодаланиши ёзма равишда эмас, балки ҳар қандай шаклда амалга оширилишига йўл қўядиган 11-моддаси, 29-моддаси ёки II-қисмнинг ҳар қандай қоидаси 12-моддага мувофиқ ҳар қандай вақтда ариза қилиши мумкин.

97 - модда

1) Мазкур Конвенцияга мувофиқ имзолаш вақтида қилинган аризалар ратификация, қабул қилиш ёки таъсис қилишда тасдиқланиши лозим.

2) Аризалар ва аризаларнинг тасдиқланиши ёзма равишда қилинади ва расмий равишда депозитарийга хабар қилинади.

3) Ариза тегишли давлатга нисбатан мазкур Конвенция кучга кириши билан бир вақтда кучга киради. Бироқ, бундай кучга киришдан сўнг депозитарий расмий хабарнома оладиган ариза унинг депозитарий томонидан олинган санадан сўнг олти ой ўтгандан кейинги ойнинг биринчи куни кучга киради. 94-моддага мувофиқ қилинган ўзаро бир томонлама аризалар депозитарий томонидан охирги ариза олингандан сўнг олти ой тугагандан кейинги ойнинг биринчи куни кучга киради.

4) Мазкур Конвенцияга мувофиқ ариза қилган ҳар қандай давлат депозитарий номига ёзма равишдаги расмий хабарнома ёрдамида ҳар қандай вақтда ундан бош тортиши мумкин. Бундай бош тортиш депозитарий томонидан хабарнома олинган санадан сўнг олти ой ўтгандан кейинги ойнинг биринчи куни кучга киради.

5) 94- моддага мувофиқ қилинган аризадан бош тортиш ушбу моддага мувофиқ бошқа давлат томонидан қилинган ҳар қандай ўзаро аризадан бош тортиш кучга кириш санасидан бошлаб ҳаракат тугашига олиб келади.