Биринчидан, ҳозирги замон глобаллашуви шароитида турли маданий анъаналарга эга халқларнинг ўзаро яқинлашуви бир-бирига боғлиқ ҳолда икки муаммони ҳал этишни тақозо этади: яъни

Жамиятда маънавий-ахлоқий маданиятни илмий тадқиқ этиш қуйидаги долзарб масалалар ечими билан белгиланади:
Биринчидан, ҳозирги замон глобаллашуви шароитида турли маданий анъаналарга эга халқларнинг ўзаро яқинлашуви бир-бирига боғлиқ ҳолда икки муаммони ҳал этишни тақозо этади: яъни, ҳар бир халқнинг миллий ўзига хослигини муҳофаза қилиш ва сақлаб қолиш йўналишини изчил давом эттириш ҳамда дунёвий маданият ва умуминсоний қадриятларнинг илғор жиҳатларини ўзлаштириб бориш. Бу масалалар жамият маънавий-ахлоқий муҳити муаммосини тўғри ҳал қилиш уни янги сифат билан бойитишга бевосита боғлиқ.
Иккинчидан, ҳозирги замон этикасида ҳам янгиланиш ва ўзгаришлар жараёни кечмоқда. Бу борада ҳам икки йўналишни кузатиш мумкин: биринчиси, жаҳон ахлоқшунослигида ғоявнй сайқалланиш, принциииал такомиллашиш ва илмий-назарий ҳамда методологик жиҳатдан янгиланиш жараёни кечаётганлиги. иккинчиси, миллий маънавий-ахлоқий камолотнинг тадрижий ривожини таъминлаш, унинг ғоявий асосларини такомиллаштириш ва амалий жиҳатдан фаоллаштириш. Бу борада, энг аввало, Шарқ ва Ғарб файласуфларининг ижтимоий ахлоқка оид маънавий мероси ва ғояларини янгича талқин қилиш, ривожланаётган жамиятларда, жумладан, Ўзбекистонда жамият маънавий муҳитини барқарор ривожлантириб бориш ва унинг шахс камолотидаги таъсиринн ошириш концепцияларини уйғунликда англаш муҳим аҳамиятга эга.
Учинчидан, жамият маънавий-ахлоқий муҳити янги давлат ва жамият қурилиши шароитида шахснинг ижтимоийлашувида муҳим асос вазифасини бажаради. Ҳозирги Ўзбекистон аҳолининг ёш хусусиятига кўра, ривожланиб бораётган мамлакатлар таркибига киради. Чунки 18 ёшгача бўлган ёшлар умумий аҳолининг тахминан 60 фоизини, 30 ёшгача бўлганлар эса 64 фоизини ташкил этади. Юртимизда яшаётган ёшлар камолоти масаласига нафақат ота-оналар, балки мамлакат фуқаролари, жамиятимизнинг бурчи сифатида қараши унинг ниҳоятда жиддий эканлигидан далолат беради. Зеро, ёшлар бутунги ниятларимизни эртага рўёбга чиқарадиган, мамлакат тараққиётини таъминлайдиган, ҳар бир соҳада ўз иқтидори ва истеъдодини тўла-тўкис намоён эта оладиган авлод сифатида шаклланиши зарур. Ёш хусусиятига кўра жамиятнинг маънавий-ахлоқий муҳитини такомиллаштириб бориш жамият ижтимоий тараққиёти ва унда шахс фаоллиги муаммосини ижобий, тўлиқ ҳал этишда муҳим ўринга эга.