Биринчи суҳбат

Рим папасининг қарорлари – турли даврларда Папа томонидан чиқарилган дин соҳасидаги қарорлар. Рим католик черкови ақидасига биноан Папанинг қарорлари ҳам муқаддас аҳамиятга эга.
Рождество – Христианликнинг асосий байрамларидан бири. Исо Масиҳнинг одам танасида мужассам бўлиб туғилиши куни муносабати билан ўтказилади. Ушбу байрам ҳақидаги илк маълумотлар IV асрга тегишли христиан манбаларида қайд қилинган.
Роҳиб (юнонча-монах – “зоҳид”) – христианликда дунёвий лаззатлардан таркидунёчилик қилиб, фақат ибодат билан шуғулланувчи шахс.
“Таврот”, “Тора” (ивритча — «таълимот, қонун») – яҳудийлик ва христианлик динларида тан олинадиган ва “Библия” таркибига кирувчи муқаддас манба. “Таврот”нинг муаллифи сифатида Мусо пайғамбар кўрсатилади. “Таврот” беш китоб: “Ибтидо”, “Чиқиш”, “Левит”, “Сонлар” ва “Иккинчи қонун”дан иборат.
“Танжур” (тибетча – “шарҳлар таржимаси”) – буддавийликнинг асосий ақидавий масалалари баён қилинган “Канжур” китобининг шарҳи. 254 жилд ва 3 мингга яқин матнлардан иборат.
Тантризм (санскритча – “тантра”-мато) – буддавийлик ва ҳиндуийлик динларида мавжуд бўлган диний-фалсафий таълимот. Эрамизнинг биринчи асрида пайдо бўлган. Инсондаги жинсий ва шаҳвоний хислатлар муҳимлиги асосига қурилган. Таълимот асослари “тантралар” деб номланадиган ёзувларда баён қилинган.
“Тўлиқ инжил христианлари” - протестантликдаги энг йирик оқимлардан бири бўлган пятидестяникликнинг иккинчи номи. “Инжил”га ҳақиқатан амал қилувчи соф эътиқод вакиллари деб билганлари учун ҳам ўзларига нисабатан шундай номни ишлатадилар.
Халоскор – яҳудий ва христиан атамасида Мессия (ивритча - Машиах; қадимги юнонча - Христос). Яҳудийлар ақидасига кўра Халоскор қиёматга яқин келиб яҳудийларни нажот сари етаклайди. Яҳудий “мессияси” Довуд авлодидан бўлиши шарт. Христиан ақидасига кўра эса халоскор бу Исо Масиҳдир.
Худонинг раҳматлари – протестантликнинг пятидесятниклик йўналишига ҳос ақидалардан бири. Худонинг раҳматлари деганда Масиҳни қабул қилиш, Муқаддас Руҳ билан чўқинтирилиш ва руҳий қайта туғилиш назарда тутилади.