“Birinchi Renessans hodisasining yirik namoyandasi Imom al-Buxoriyning hayoti va faoliyati.”

XOTIRASIGA EHTIROM


1997 yilning 29 aprelida О‘zbekiston Respublikasi Vazirlar Mahkamasining « Imom Buxoriy tavalludining hijriy-qamariy taqvim bо‘yicha 1225 yilligini nishonlash haqida»gi PQ-№217-sonli Qarori chiqdi. 1998 yili О‘zbekiston Respublikasining birinchi prezidenti Islom Karimov tashabbusi bilan Imom Buxoriyning hozirgi Samarqand viloyati Chelak tumanidagi Xartang qishlog‘ida joylashgan qabri boshida maqbara, masjid, madrasa va kutubxonani о‘z ichiga oluvchi hashamatli yodgorlik majmui qurib bitkazildi. О‘sha yilning oktabr oyida Samarqandda Imom Buxoriy tavalludining 1225 yillik tо‘y-tantanalari bо‘lib о‘tdi. Mazkur tо‘y-tantanalar doirasida Imom Buxoriy yodgorlik majmuining rasmiy ochilishi hamda «Imom al-Buxoriy va uning dunyo madaniyatida tutgan о‘rni» mavzuida xalqaro konferensiya о‘tkazildi.
2002 yildan boshlab Toshkentda ma’naviy-ma’rifiy va ilmiy-adabiy «Imom Buxoriy saboqlari» uch oylik jurnali nashr etila boshladi. Ushbu jurnalda islomshunoslik tadqiqotlari va islom ilmlari sohalari olimlari hayoti va ilmiy faoliyatiga oid maqolalar chop etiladi.
2008 yili О‘zbekiston Respublikasining birinchi prezidenti Islom Karimovning 2008 yil 23 maydagi PQ-№875-sonli qaroriga muvofiq Samarqand viloyati Payariq tumani hududidagi Imom Buxoriy yodgorlik majmuasining yonida Imom Buxoriy xalqaro markazi ochildi. Islom dini rivojiga beqiyos hissa qо‘shgan, hadis ilmining sultoni Imom Buxoriyning ulkan merosini ilmiy asosda о‘rganish, xalqimiz va jahon jamoatchiligiga targ‘ib etish, azaliy milliy qadriyatlarimizni saqlash va ulug‘lash asosida yosh avlodning ruhiy va ma’naviy olamini boyitish,imon-e’tiqodini mustahkamlash, ularning qalbida Vatanga muhabbat va sadoqat tuyg‘ularini yanada kuchaytirish ushbu markazning asosiy vazifasi sifatida belgilandi.
2017 yili esa О‘zbekiston Respublikasi Prezidentining «О‘zbekiston Respublikasi Vazirlar Mahkamasi huzurida Imom Buxoriy xalqaro ilmiy-tadqiqot markazini tashkil etish chora-tadbirlari tо‘g‘risida» 2017 yil 27 martdagi PQ-2855-son qarori hamda О‘zbekiston Respublikasi Vazirlar Mahkamasining О‘zbekiston Respublikasi Vazirlar Mahkamasi huzuridagi Imom Buxoriy xalqaro ilmiy-tadqiqot markazi faoliyatini tashkil etish tо‘g‘risidagi 2017 yil 10 iyul №483-son