Birinchi jahon urushining boshlanishi va borishi

MAVZU:Birinchi jahon urushining boshlanishi va oqibatlari

Reja:

• 1.Birinchi jahon urushining boshlanish sabablari;
• 2.Urishni davlatlarning ichki hayotiga ko’rsatgan ta’siri;
• 3.Urushda German blokining yengilish sabablari

Mavzu yuzasidan ma’lumot

Birinchi jahon urushining bosh sababi – ikki harbiy-siyosiy guruh o’rtasida bo’lingan dunyoni qaytadan bo’lib olish uchun boshlangan kurash edi.

Ittifoqchi davlatlar urush arafasida

Yashil rangda Antanta (Buyuk Britaniya, Fransiya va Rossiya);

Jigar rangda Uchlar ittifoqi (Germaniya, Avstriya-Vengriya va Italiya) davlatlari ko’rsatib o’tilgan.

Fransuz karikaturasi

Germaniya, Avstriya-Vengriya va Italiya porox solingan bochka ustida chekishmoqda.

Mavzu yuzasidan ma’lumot

1914-yilning 28-iyunida serbiyalik millatchi tomonidan Sarayevoda Avstriya-Vengriya taxti vorisi F. Ferdinand o’ldirildi.

Sarayevodagi qotillik

Frans Ferdinandning qotili Gavrilo Prinsip hibsga olinmoqda

Gavrilo Prinsip

Terezina qamoqxonasi

Mavzu yuzasidan ma’lumot

Avstriya-Vengriya hukumati Serbiyaga juda haqoratli talablar qo’yilgan ultimatum yubordi. Serbiya hukumati ultimatumning faqat birgina talabiga rozilik bermagan. Bu esa Avstriya-Vengriyaning 28-iyulda Serbiyaga urush e’lon qilishiga bahona bo’ldi.

Avstriya-Vengriya tomonidan Serbiyaga yuborilgan ultimatum (shaxsiy tarjima)

• Avstriya-Vengriyaga nisbatan nafrat tuyg’ularini targ’ib qiluvchi va uning hududiy yaxlitligiga daxl qiluvchi nashrlarni ta’qiqlash;
• Avstriya-Vengriyaga qarshi tashviqot yurituvchi “Narodna Odbrana” jamiyati va boshqa barcha uyushma hamda tashkilotlarni yopish;
• Xalq ta’limidagi Avstriyaga qarshi tashviqotni to’xtatish;
• Avstriyaga qarshi tashviqot bilan shug’ullanadigan harbiy va davlat xizmatidagi barcha zobit va amaldorlarni ishdan bo’shatish;
• Avstriya-Vengriyaning yaxlitligiga qarshi qaratilgan harakatlarni bostirishda Avstriya hukumati bilan hamkorlik qilish;
• Avstriya hukumati tomonidan Sarayevo qotilligi ishtirokchilarining har biri bilan tergov ishlarini olib borishga ruxsat berish (Izoh - Serbiya tomoni rad etgan);
• Sarayevo qotilligiga aloqador bo’lgan mayor Voislav Tankosich va Milan Tsiganovichlarni hibsga olish;
• Avstriyaga kontrabanda qurollar va portlovchi moslamalarning olib kirilishini oldini olish bo’yicha samarali choralar ko’rish;
• Sarayevo qotilligidan keyingi davr mobaynida serb amaldorlari tomonidan Avstriya-Vengriyaga nisbatan bildirilgan dushmancha fikrlariga tushuntirish berish;
• Yuqorida qayd etilgan punktlar yuzasidan ko’rilgan choralar haqida Avstriya hukumatiga kechiktirmasdan axborot berish.