Биринчи қисм

Интервьюни тугатаётиб...

• 
  энг муҳим далилларни респондентдан қайта сўраб, яна бир бор текширинг;
  
• 
  “Мавзуга алоқадор яна қандай фикрларингиз бор?” мазмунидаги саволни суҳбат охирида респондентга беришни унутманг;
  
• 
  алоқа қилиш мумкин бўлган телефон рақамларини бир-бирингиздан олганингизга ишонч ҳосил қилинг;
  

Юқорида санаб ўтилган қоидаларнинг бажарилишида бир ноқулайлик бор, яъни журналист ҳамиша ҳам респондентдан уларга риоя этилишини талаб қила олмайди. Интервью олишдан олдин респондентнинг суҳбатлашишга рози бўлиши учун муайян чекинишларга борган бўлишингиз эҳтимол. Кўпинча, журналист розилик олиш мақсадида респондентнинг интервьюни чоп этилишидан олдин бир кўриб бериш истагига рози бўлади. Бундай вазиятларда журналист топқирлигини намоён этиши ва интервью пайтида олдин келишилган шартларни юмшатишга ҳаракат қилиши лозим.
Фойдаланилган ва фойдали манбалар рўйхати:

1. 
   Горохов В.М. Основы журналистского мастерства. М., 1984.
   
2. 
   Гуревич С.М. Номер газеты. М., 2002.
   
3. 
   Журналисты XX века: Люди и судьбы. М., 2003.
   
4. 
   Кримски Ж. Репортаж, материалларнинг ёзилиши ва таҳрир қилиш асослари. ICFJ. 2003.
   
5. 
   Ким Л.Н. Технология создания журналистского произведения. СПб, 2001.
   
6. 
   Лазутина Г.В. Основы творческой деятельности журналиста. М., 2000.
   
7. 
   Лукина М.М. Технология работы с интервью. М., 2003.
   
8. 
   Сагал Г. Двадцать пять интервью: так работают журналисты. М., 1974.
   
9. 
   Тертычный А.А. Расследовательская журналистика. М., 2002.
   
10. 
    Шостак М.И. Журналист и его произведение. М., 1998.
    
11. 
    Шостак М.И. Репортер: профессионализм и этика. М., 1999.
    
12. 
    Шумилина Т.В. «Не могли бы вы рассказать...» М., 1976.
    

Иккинчи боб Таҳлилий жанрлар Корреспонденция

Корреспонденция хабарнинг кенгайтирилган шакли бўлиб, у нима, қаерда, қачон, нима учун, нега сингари саволларга жавоб беради ва ўзида таҳлил элементларини мужассамлаштиради.
Жанрнинг асосий хусусиятлари қуйидагилар:

• 
  далилларни қуруқ ва оддий баён қилиш чегарасидан чиқилади;
  
• 
  далилларга асосланган ҳолда фикрлашга йўналиш беради;
  
• 
  воқеа ва ҳодисалар ҳақида кенгроқ хабар беради;
  
• 
  фактлар манбалар асосида журналист фикр-мулоҳазалари билан уйғунлаштирилади;
  
• 
  таҳлил фақат далилларга таянади;
  
• 
  қисман қарама-қарши фикрлар берилиши мумкин.