Biriktiriw usılları

Dáste bet baylanıstırıw yamasa kertpek usılı. Dáste bet baylanıstırıw aǵash ústashılıq birikpeleri payda etiwdiń eń ápiwayı hám ańsat usılı. Bul usıl imaratsazlıq jumıslarında, parnik xojalıǵında aǵash bóleklerin óz-ara biriktiriwde, ápiwayı qaplama ramkalar, vitrinalar hám basqalar tayarlawda qollanıladı.

Dáste bet baylanıstırıwda detallar «G» sıyaqlı, «T» sıyaqlı formada tuwrı hám «qarlıǵash quyrıq» lı qılıp biriktiriliwi múmkin (43- súwret).

43-súwret. Dáste bet blrikmalar; a - «G» sıyaqlı; b,v - «T» sıyaqlı tuwrı hám «qarlıǵash quyrıqlı»

Dáste bet biriktiriw tómendegi tártipte orınlanadı.

1. 
   Birikpege say aǵash tańlanadı, súrgilewde onnan jońqa shıǵıwın esapqa alıp málim ólshem menen material pıshqılap alınadı.
   
2. 
   Tayarlanǵan materialdı súrgilep qálegen uzınlıqta eni a, qalıńlıǵı h bolǵan eki brusok tayarlanadı.
   
3. 
   Kertpeklerdi jobalaw ushın brusoklardıń ushların múyeshlik tiykarında pıshqılap tuwrı múyeshli qırqımlar payda etilgennen, keyin jobalanadı. Bunıń ushın brusoklardıń ushınan ólshewde «bet» lerge kertpek uzınlıǵı jobalanadı hám múyeshlik járdeminde qalǵan táreplerge alıp ótiledi. Keyin reysmus járdeminde kertpek qalıńlıǵı jobalanadı. Bunıń ushın reysmústı 1/2 ólshemge tuwrılap «bet» lerge salıstırǵanda brusoklardıń qaptal shetleri (qırları) hám kese qırqımlarına a uzınlıqta joba sızıladı.
   
4. 
   Dáste bet baylanıstırıwda brusoklardı ústpe-úst qoyıp biriktiriledi. Sonıń ushın brusoklarda payda qılınatuǵın kertpeklerdiń biri «bet» tárepten, ekinshisinde arqa tárepten ashıladı. Bunıń ushın kertpeklerde joba sızıqlarınıń yarmın saqlaǵan jaǵdayda aldın tilinedi, keyin kesesine pıshqılap qırqıladı (kertiklenedi).
   
5. 
   Payda bolǵan kertpeklerdi ústpe-úst qoyıp shege yamasa burama shege járdeminde biriktiriledi. Hár qanday birikpe payda qılınǵanda detallardıń «bet»ler iniń birikpeniń bir tárepinde bolıwına itibar beriw kerek.
   

Birikpeniń tıǵızlıǵı, sıpatı talapqa juwap beretuǵın dárejege jetkenge shekem shınıǵıw dawam ettiriledi.