Biriktiriw usılları

14 – lekciya. Ortalıq birikpelerdi orınlawda isletiletuǵın materiallar.

Joba

1. 
   Biriktiriw usılları.
   
2. 
   Dáste bet baylanıstırıw yamasa kertpek usılı.
   
3. 
   Tuwrı tislı birikpeler.
   
4. 
   Múyesh usılında biriktiriw.
   
5. 
   «Qarlıǵash quyrıq» tislı birikpeler.
   

Aǵash buyımlar kópshilik waqıtta bir neshshe bóleklerden jasaladı. Buyımdı qurawshı hár bir bólek detal dep ataladı. Buyımdı jasaw ushın aldın onı payda etiwshi barlıq detallar tayarlanadı, soń olardı tiyisli tártipte biriktiriledi, hár túrli buyımlardı tayarlawda detallardı tuwrı sızıqlar, tuwrı múyeshler, ótkir yamasa ótpes múyeshler hámde formalı kóriniste biriktiriledi. Tuwrı sızıqlı biriktiriw aǵash detallardı boyına jalǵap uzaytıw yamasa qalıńlıǵın asırıw ushın qollanıladı. Tuwrı múyeshli biriktiriw eń kóp qollanıladı. Buǵan mısallar palız ónimleri taxtayshası ayaqları, súwretler ushın ramka detalları, tereze ramları, esikler, mebeller hám sol sıyaqlılar qollanıladı.

Ushlı yamasa ushlı emes múyeshli birikpeler túrli ásbap-úskeneler, mebeller, imaratlar hám basqalarda qollanıladı. Formalı birikpeler muzika ásbapları, at eri hám basqalarda qollanıladı. Biriktiriw formaları aǵash detallarınıń bekkem hám anıq biriktiriliwi ushın olardıń biriktirpe betleri túrli formalarda tayarlanadı. Tislı birikpeler formalarda tayarlanadı. Tislar tuwrı hám qıya betli formalarda boladı.