Bir soatlik dars ishlanmasi

III.Yangi mavzu bayoni


Web-brauzerlar
Siz avvalgi sinflarda bir nechta amaliy dasturlar bilan tanishdingiz. Masalan, Word – matn, Paint – grafik ko‘rinishdagi axborotlar bilan ishlashga, Kalkulyator esa hisobkitob ishlarini bajarishga mo‘ljallangan dasturlar edi. Xuddi shunday, Internetning WWW xizmatidan foydalanish uchun ham maxsus dasturlar ishlab chiqilgan. Ular web-brauzerlar (Browser) deb ataladi. Browser inglizcha so‘z bo‘lib, ko‘rishni ta’minlash, ko‘rsatish ma’nosini anglatadi. Birinchi Webbrauzer 1990yilda CERN (Yevropa Yadroviy Tadqiqotlar Kengashi) xodimi Tim Berners-Li tomonidan ishlab chiqilgan bo‘lib, nomi World Wide Web bo‘lgan. Hozirgi kungacha juda ko‘p Webbrauzerlar ishlab chiqarilgan.
Mosaic, Opera, AdWiper, Netscape Navigator, Netscape Communicator, Google Chrome, Mozilla Firefox, Microsoft Internet Explorer va Power Browser shular jumlasidandir. Shulardan eng mashhurlari quyidagilar:

Webbrauzerlarning asosiy vazifalari quyidagilardan iborat:

• Websahifalarni xotiraga yuklash va ko‘rsatish;
• Websahifani diskka yozib qo‘yish (saqlash);
• WWWdagi manzili bo‘yicha Websahifani chaqirish.

Internet brauzerlaridan foydalanishni o'rganish

Internet hozirgi kunda butun dunyoni qamrab olgan yagona tarmoq hisoblanadi. Bu tarmoqqa ulanish, uning resurslaridan foydalanish uchun esa bizga hozirgi kunda juda ko'p turlari mavjud internet brauzerlari kerak bo'ladi. Biz bugun Google chrome brauzeridan qanday foydalanish va uning bir necha imkoniyatlarini ko'rib chiqamiz.

1-rasm. Chrome brauzerimizning oynasi


Chrome brauzeri quyidagi asosiy elementlardan tashkil topgan:
1. Bu tugmalar ochilgan sahifalarni oldinga, orqaga qaytarish va qayta yuklash tugmalari hisoblanadi;
2. Ochilgan sahifa nomi yoziladigan joy;
3. Sahifani ochish uchun manzil yoziladigan joy;
4. Yangi manzillarni ochish uchun brauzer oynachalarini qo'shish tugmasi;
5. Agar sizda gmail da pochta (keyingi darslarimizda pochta haqida ko'rib chiqamiz) qutingiz yoki «account» ingiz mavjud bo'lsa chrome brauzeriga qo'shib qo'yishingiz mumkin;
6. Ochilgan sahifani yo'qotib qo'ymaslik uchun uni metka ya'ni manzilning o'zini saqlab qo'yishingiz uchun kerak bo'ladigan tugma;
7. Chrome sozlamalar, kengaytmalar va turli boshqa bo'limlarga o'tish joyi.