Bioorganik kimyo

FERMENTLARNING О‘ZIGA XOSLIGI

Fermentlar biologik katalizator bо‘lib , ular о‘ziga xos ta’sir qilish xususiyatiga ega. Ularning bunday о‘ziga xosligi tirik organizmlarga xos bо‘lgan muhim xususiyatlardan biri hisoblanadi. Katalitik jarayonlarda ferment-substrat kompleksining hosil bо‘lishi, fermentlarning oqsil molekulasi tuzilishiga, uning aktiv qismlari bilan substratning tegishli gruppalari о‘rtasidagi ximiyaviy bog‘lar hosil bо‘lishiga bog‘liq. Har bir ferment ma’lum bir substratga yoki molekuladagi ximiyaviy bog‘ning ma’lum tipigagina ta’sir etadi. Shunday qilib, fermentlarning о‘ziga xos mohiyati, ferment substratga kalit qulfga tushganday mos kelishi zarur. Metodning prinsipi. Amilaza va saxaraza fermentlarini turli substratga, ya’ni kraxmal va saxarozaga ta’siri tekshiriladi. Kerakli asboblar: probirkalar bilan shtativ; pipetkalar; termostat, spirt lampasi.

Reaktivlar. 1)Kraxmalning 1%li eritmasi. 2) Saxarozaning 2% li eritmasi. 3) Suyultirilgan sо‘lak. 4) Saxaraza (10 g achitqini 100 ml distillangan suvda gomogenezatsiya qilinadi). 5) Natriy ishqorining 20% li eritmasi. 6) Mis sulfatning 5% li eritmasi.

Ishning borishi. Birinchi va ikkinchi probirkalarga 2-4 ml kraxmal eritmasidan, uchinchi va tо‘rtinchi probirkalarga 2-4 ml suyultirilgan sо‘lak (amilaza), ikkinchi va tо‘rtinchi probirkalarga 2-4 ml saxaraza fermenti solinadi, sо‘ngra probirkalarni chayqatib, 20 minut 37°S li termostatga inkubatsiya qilish uchun qо‘yiladi. Inkubatsiyadan keyin 1- va 2-probirkalarga 1-2 tomchi yodning kaliy yoddagi eritmasidan tomiziladi. 3 va 4 probirkalarga 2-4 ml natriy ishqorining 20% li eritmasidan, 2-4 tomchi mis sulfatning 3 probirkalarga 2-4 ml li eritmasidan solib qizdiriladi. Reaksiya natijalari jadvalga yozib, xulosa qilinadi.