Bioorganik kimyo

Amilaza faolligiga aktivator va paralizatorlarning ta’siri

10 – jadval

Tajriba №	Ferment	Substrat	Fermentning ta’sir vaqti	Reaksion aralashmalarning yod bilan bergan rangi
				H2O bilan	NaCl bilan	CuSO4 bilan
1	So’lak amilazasi	Kraxmal	5
2	So’lak amilazasi	Kraxmal	10
3	So’lak amilazasi	Kraxmal	15
Xulosa

SO’LAK AMILAZASINING XOSSALARI

Kerakli asbob va idishlar: probirkalar, suv hammomi, termometr, gaz gorelkasi, pipetka, muzli stakan.

Reaktivlar: kraxmalning 1% li eritmasi, so’lak eritmasi, yodning 0,1% li eritmasi, 0,05 n HCl, 0,05 n CH₃COOH, 1% li NaCl, 0,1 n li NaOH, 1/15 M li Na₂HPO₄ va KH₂PO₄ eritmalari.

1 – tajriba. So’lak amilazasiga haroratning ta’siri

Har qanday katalitik reaksiyalar singari fermentativ reaksiyaning tezligi harorat ko’tarilishi bilan ortadi. Lekin boshqa sun’iy anorganik katalizatorlardan farq qilib, fermentlar aktivligining ortishi 40 – 45 ⁰C gacha davom etadi. 50 – 60 ⁰C dan boshlab aktivligi birdaniga pasaya boshlaydi, 70 – 75⁰C da ferment denaturatsiyalanib, faoliyatini to’xtatadi. Fermentlarning haroratga chidamsizligi ularning oqsil tabiati bilan bog’liq.

Ishning bajarilishi

4 ta probirka olib, ularning har biriga 1 ml dan 1% li kraxmal eritmasidan quyiladi. Birinchi probirkani muzli stakanga, ikkinchisini xona haroratiga, uchinchisini 45⁰C li suv hammomiga, to’rtinchisini 75⁰C li suv hammomi yoki termostatga qo’yiladi, 5 minut o’tgandan keyin probirkalarning hammasiga shu turgan holatida 1 ml dan so’lak eritmasi qo’shib yana 5 minut qoldiriladi. Bu muddat o’tgandan so’ng probirkalardagi aralashmalardan alohida probirkalarga 1 – 2 tomchi olib, ustiga 1 tomchidan 0,1 % li yod eritmasidan tomiziladi. Agar hamma probirkalardagi suyuqliklar ko’k rangga kirsa, inkubatsiya yana 5 minut davomida qoldiriladi va yod bilan reaksiya qaytadan qilib ko’riladi. Turli xil probirkalardagi suyuqliklar yod bilan har xil rangga kirishi kraxmalning har xil darajada gidrolizlanganidan darak beradi. Fermentativ reaksiya 45⁰C da eng yuqori tezlikka erishadi. Gidrolizning eng sekin ketishi yoki amalda ketmasligi 1- va 4- probirkalarda, ya’ni 0⁰C va 75⁰C da kuzatiladi. Tajriba natijalari 7 – jadvalda qayd qilinadi.

7 – jadval