Bioorganik kimyo

2.Eritrodekstrinlar - Lyugol eritmasi bilan qizil rang hosil qiladi, spirt ta’sirida choʻkadi, qaytaruvchanlik xossasi amilodekstrinlarnikiga nisbatan 2-3 marta yuqori.

3.Axrodekstrinlar – yod bilan rang hosil qilmaydi, 70% li spirtda eriydi. Qaytaruvchanlik xossasi maltozanikiga nisbatan 10 baravar kuchsiz.

4.Maltodekstrinlar – yod bilan rang bermaydi, spirt ta’sirida choʻkmaydi, qaytaruvchanlik xossasi maltozaga nisbatan ancha kichik.

Kraxmal gidrolizining keyingi mahsulotlari maltoza va glyukoza hisoblanadi. U α- amilaza ta’sirida fermentativ gidroliz qilinsa, faqat maltoza hosil bo’ladi.

Ishning bajarilishi

20 ta toza probirka olib, har biriga 10 ml dan distillangan suv va 2-3 tomchidan Lyugol eritmasidan tomiziladi, so’ngra probirkalar 10 tadan 2 ta guruhga boʻlib raqamlab qoʻyiladi. 2 ta 100 ml li, qizdirishga chidamli kolba olib, 1% li kraxmal eritmasidan 20 ml dan quyib, birinchi kolbaga 5 ml 10% li H2SO4 eritmasi, ikkinchisiga esa 5ml 5 marta suyultirilgan soʻlak eritmasi quyiladi. Birinchi kolba ogʻziga qaytarma sovutgich oʻrnatib toʻr ustida kuchsiz alangada qizdiriladi, ikkinchisi 400C li termostatga (yoki suv hammomida) qoʻyiladi. Har 2-3 minutda ikkala kolbadagi suyuqlikdan 0,5 ml dan olib avval tayyorlab qoʻyilgan probirkalardagi yod eritmasi ustiga quyiladi. Probirkalardagi suyuqliklarning rangi birin-ketin o’zgarishi kuzatiladi. Fermentativ gidroliz qilinganda ham shunday ish qilinadi, so’ngra har ikkala gidrolizat bilan Feling reaksiyasi qilib koʻriladi. Buning uchun kislotali gidrolizat sovitiladi va oz-ozdan kalsiy karbonat qoʻshish yoʻli bilan neytrallanadi. Eritmaning ko’pirishi toʻxtagach u filtrlanadi, ya’ni hosil boʻlgan kalsiy sulfat va ortiqcha kalsiy karbonatdan tozalanadi. Gidroliz mahsulotlari orasida qaytaruvchimonosaxarid – glyukoza boʻlgani uchun ham Feling reaksiyasi ijobiy natija beradi: