Biokimyo va molekulyar biologiya

Ishning bajarilishi: 2 ml nikotin kislota eritmasiga 1 ml 15% li sirka kislotasidan solinadi va qaynatiladi. Keyin 1-1,5 ml mis astetat eritmasidan qo’shiladi. Probirkada avval havorang aralashma paydo bo’ladi, keyin esa nikotin kislotasining ko’k rangli mis tuzi cho’kmaga tushadi.
Natriy karbonat bilan boradigan reakstiya

Nikotin kislotasini suvsiz natriy karbonat bilan qizdirilganda, spestifik qo’lansa hid ajralib chiqadi.

Reaktivlar: a) nikotin kislotasining kukuni, b) suvsiz natriy karbonat.

Ishning bajarilishi: Kichkina chinni idishda 0,05g nikotin kislotasi 0,1-0,15g suvsiz natriy karbonat bilan aralashtiriladi va qizdiriladi. Natijada piridinning yoqimsiz xidi ajralib chiqadi.
Vitamin B₆ (piridoksin)

Vitamin B₆ xossasiga ega bo’lgan 3 xil modda bor. Bular piridoksol (piridoksin), piridoksal va piridoksamin bo’lib, bularning hammasi piridinning xosilasi hisoblanadi. Bu modda yuqori temperaturaga, ishqor va kislotalarning ta’siriga chidamli bo’lib, quyosh nuri ta’sirida buziladi.

Pirodoksol Piridoksal

Piridoksamin

Piridoksal va piridoksamin aminokislotalar almashinuvida muxum rol o’ynaydi. Ularning fosforlangan xosilalari (fosfopiridoksal va fosfopiridoksamin) koferment funkstiyasini namoyon qiladi va aminokislotalarning pereaminirlanish, dekarboksillanish reakstiyalarini katalizlaydi. Bundan tashqari fosfopididoksal nikotin kislotasini triptofandan sintezlanishini koferment bo’lib katalizlaydi. Vitamin B₆ shu bilan birga lipidlar almashinuvida ham ishtirok etadi.

Piridoksol, piridoksal va piridoksamin o’simlik va hayvon maxsulotlarida keng tarqalgan. Vitamin B₆ jigarda, bo’yrakda, muskul to’qimasida, tuxumda, achitqida, guruch kepagida, no’xotning tarkibida bo’ladi.

Katta odamlarning piridoksinga bo’lgan sutkalik extiyoji 2 mg ni tashkil etadi.