Biokimyo va molekulyar biologiya

13 – laboratoriya mashg`uloti

Qondagi glyukoza miqdorini Xagederon - Iensen usuli bo’yicha aniqlash
Metodning mohiyati: Redutsirlanuvchi uglevodlar ishqoriy muhitda qizdirilganda kaliy ferritsianid tuzini (qizil qon tuzi) kaliy ferrotsianid tuzigacha (sariq qon tuzi) qaytaradi. Uglevodlar bunda aldon va aldar kislotalarigacha oksidlanadi.

Bu reaksiyani normal o’tkazilishi uchun ferritsionidning miqdori ko’p bo’lishi kerak. Sarflanmagan ferritsianid qoldig`ini yodometrik usul bilan aniqlash natijasiga ko’ra tekshirilayotgan tajribadagi uglevodning miqdori belgilanadi.

Sirka kislota ishtirokida kaliy yodid qolgan ferritsianid bilan oksidlanadi va erkin yod ajralib chiqadi.

Reaksiyani miqdoriy holatiga o’tkazish uchun rux sulfat qo’shiladi, bunda hosil bo’lgan ferrotsionid murakkab ruxli birikma shaklida cho’kmaga tushadi:

hosil bo’lgan yod esa natriy giposulfit bilan titrlanadi.

Bu metod bo’yicha uglevodlarni miqdoriy aniqlash uchun maxsus jadvaldan foydalaniladi (jadval).

Xagederon-Iensen metodi uglevodlarni miqdoriy 2 dan 385 mkg oralig`idagi diapozonda aniqlay oladi. Bu metod o’zining juda sezgirligi va aniqligi bilan ajralib turadi.

Reaktivlar: 1. 0,005 N li K₃ (Fe (CN)₆) ning 0,1N li Na₂SO₃ daga eritmasi.

2. KI eritmasi. Buni tayyorlash uchun erituvchi sifatida 5 % li ZnSO₄ ning 25 % NaCl dagi eritmasi hizmat qiladi. Aniqlashdan avval 100 ml shu eritmaga 2,5 g KI qo’shiladi.

3. 3 % li sirka kislotaning eritmasi.

4. Kraxmalning 1 % li eritmasi.

5. 0,05 N li Na₂S₂O₃ eritmasi. Bu eritma ishlatishdan avval tayyorlanadi.