Biokimyo va molekulyar biologiya

Ishning bajarilishi: 2 ta 50 ml li tagi tekis kolbaga o’zida 20-350 mg uglevod tutgan 10 ml eritma solinadi va ularning ustiga 2 ml dan kaliy ferristianid eritmasidan solinadi. Uchinchi kontrol sifatidagi kolbaga 10 ml distillangan suv solinadi va ustiga oksidlovchi eritmadan solinadi. Hamma kolbalarning og`zi yaxshilab berkitiladigan po’kak bilan havo sovutkichiga ulangan holda yopiladi va 15 minutga qaynab turgan suv hammomiga qo’yiladi. Qaynatib bo’lgandan keyin kolbalar oqib turgan suvda sovitiladi. Keyin har bir kolbaga 3 ml dan KI eritmasidan va 2 ml dan 3%-li CH3COOH dan solinadi. Kolba yaxshilab aralashtirilgandan keyin, ajralib chiqqan yodni giposulfit eritmasi bilan 2 ml li mikrobyuretka yordamida titrlanadi. Titrlash eritma sariq somon rang bo’lguncha davom ettiriladi, bundan keyin esa 1—2 tomchi kraxmal eritmasi qo’shiladi va etirma rangsizlanguncha titrlanadi. Tajribali va kontrolli kolbalarga titrlash uchun sarf bo’lgan giposulfit eritmasining hajmi belgilanadi.