Biokimyo va molekulyar biologiya

Saxarozani kobalt tuzlari bilan reaksiyasi

Saxaroza ishqoriy muxitda kobalt ionlari bilan binafsha rang hosil qiladi.

Reaktivlar: a) 2% li saxaroza eritmasi, b) 2% li kobalt nitrat yoki kobalt sulfat, v) 5% li natriy yoki kaliy ishqori.

Ishning bajarilishi: Saxarozaning 2% li eritmasiga 1 ml ishqor solinadi va bir necha tomchi kobalt tuzi eritmasidan qo’shiladi. Reaksiya natijasida binafsha rang hosil bo’ladi.
Barfed reaksiyasi.

Barfed reaksiyasi disaxaridlarni monosaxaridlardan oson ajratish uchun qilinadigan reaksiya hisoblanadi. Bu reaksiyani maltaza tipida tuzilgan disaxaridlar: laktoza, maltoza, sellobiozalar namoyon qiladi. Disaxaridlarning Barfed reaktivi bilan qo’shilishi natijasida mis gidroksidining qizil cho’kmasi tezda emas, 15-20 daqiqadan keyin hosil bo’ladi. Bunda disaxaridlarning kislotalar ishtirokida gidrolitik parchalanishidan keyin amalga oshadi.

Reaktivlar: a) 1% li glyukoza, b) laktoza yoki maltozaning 1% li eritmasi, v) Barfed reaktivi.