«Биохилма-хилликни сақлаш ва ривожлантириш» Республика илмий-амалий анжумани

«Биохилма-хилликни сақлаш ва ривожлантириш» Республика онлайн илмий-амалий анжумани
Гулистон 2020 й. 17-18 апрель
193 
7. Oʻrnatilgan va chegaralangan cheklovning davom etishini ta’minlash. 
Nurota togʻlari oʻzining tabiiy resurslarga boyligi va undan foydalanish holatiga 
ko`ra eng murakkab hududlaridan biri boʻlib sanaladi. 
 
Foydalanilganadabiyotlar 
1.
Alibekov JI.A. Oʻrta Osiyo tabiiy geografiyasi. 1-qism. 2006. 
2.
 
Oʻzbekiston milliy ensiklopediyasi
 2000 yil. 
СОЯ НАВЛАРИНИНГ БОТАНИК-МОРФОЛОГИК ТУЗИЛИШИ 
Ҳамроева М.К. – б.ф.ф.д. (PhD)., Бухоро муҳандислик-технология 
институти 
Соя барглари мураккаб бўлиб, барг бандида учта барг жойлашади. Пояда 
барглар навбат билан жойлашади. Лекин шуни айтиш керакки, уруғ палла 
барглари билан иккита чинбарг қарама-қарши тарзда жойлашади. Соя 
баргларининг шакли ланцетсимон, юраксимон, овал ва думалоқ кўринишларда 
бўлади. Бир туп ўсимликда 12-40 дона ва ундан ортиқ барг бўлиши мумкин. 
Соя баргларининг характерли хусусияти шундаки, дуккаклар пишиб етилиши 
билан сарғайиб бирин-кетин табиий равишда тўкилиб кетади. 
Соянинг гуллари жуда майда бўлиб, барг қўлтиғида жойлашади. Улар икки 
ёки бир неча жуфт ҳолда жойлашади ва у шингил дейилади. Барг қўлтиғидаги 
гуллар сони 20-24 тагача етади. Соя гулининг ҳажми 5-6 миллиметрни ташкил 
қилади. Ўсимликнинг гуллаши 5-10 та барги ҳосил бўлиши билан бошланади. 
Ўртапишар соя навларида гуллар 4-5 та барг ҳосил бўлгач очилади. Гуллаш 
даври барча соя навларида узоқ чўзилади, жумладан, ўртапишар навларда 17-35 
кунгача, кечпишар навларида эса гуллаш 60-90 кунгача чўзилади [2,3,4]. 
Ўртапишар Славия ва Олимпия соя навларида ён шохлар майсалар униб 
чиққанининг 25-27 кунда, ўртапишар Дўстлик, Парвоз ва Нафис навларида 32-
35 кундан кейин пояларида ён шохлар ҳосил бўлиши кузатилди. Соя пояларида 
ён шохларнинг ҳосил бўлиши тупроқ-иқлим шароитлари ва айрим агротехник 
тадбирларга ҳамда навнинг биологик хусусиятларига ҳам боғлик бўлади. 
Ўртапишар Славия ва Олимпия соя навлари яхши парваришда уруғлари униб 
чиққанига 27-29 кун ўтганда гуллар пайдо бўлади, ўртапишар соя навларида 
Дўстлик, Парвоз, Нафис навларида 32-35 кунда гуллари ҳосил бўлади. Гуллаш 
ва дуккак ҳосил қилиш фазаси бирин-кетин бошланади, ёки гуллаш фазаси 
тугамай поянинг пастидаги биринчи гуллари дуккак ҳосил қила бошлайди. 
Гуллаш фазаси соя ўсимлиги онтогенезида энг узоқ чўзилган муддат бўлади. 
Гуллаш фазаси соя навларига ва ҳавонинг ҳароратига қараб, муддатлари 

---