Bilimlendiriw ministrligi

« Kelbetliktiń sóz qosılıw usılı menen jasalıwı »

Mazmunı:

Jumıstıń ulıwma sıpatlaması

Kirisiw

I.Kelbetlik haqqında ulıwma túsinik

1.1Kelbetliktiń leksika-semantikalıq ózgesheligi

II.Kelbetliktiń jasalıwı

2.1Kelbetliktiń qaraqalpaq tilinde jasalıwı

2.2 Kelbetliktiń túrkiy tilles tillerde jasalıwı ózgeshelikleri

Juwmaq

Paydalanılǵan ádebiyatlar

Kurs jumısınıń ulıwma sıpatlaması

Temanıń aktuallıǵı: Házigi kúnde qaraqalpaq tilin oqıtıw, házirgi dáwirde qalay hám qáytip oqıtıw sıyaqlı mashqalalar oǵada aktual máselelerdiń biri. Oqiwshılar qaraqalpaq tilin úyreniw nátiyjesinde pán tiykarın sanalı túrde ózlestiredi, oy-pikiri barǵan sayın ósip baradı. Házirgi dáwirdegi túrkiy til biliminiń eń áhmiyetli wazıypalarınıń biri - milliy ádebiy tillerdiń qáliplesiw hám rawajlanıw basqıshların ele de tereńirek izertlew bolıp tabıladı. Túrkiy tilles xalıqlardıń ádebiy tilleriniń rawajlanıw tariyxın úyreniwde xalıqtıń mádeniy turmısında ayrıqsha orın iyeleytuǵın kórkem sóz sheberleriniń shıǵarmaların lingvistikalıq baǵdarda izertlew úlken áhmiyetke iye. Sebebi ádebiy til uluwma xalıqlıq tildiń kórkem sóz sheberleri tárepinen qayta islengen, dóretiwshilik baǵdarında bayıtılǵan túri. Sol tilde sóylewshi xalıqtıń sóz mádeniyatınıń jetilisken joqarǵı jemisi. Kórkem sóz sheberi usı dóretiwshilik processti basqarıp hám rawajlandırıp baradı. Xalıqtıń mádeniy qádiriyatları, ruwxıy miyrası- mıń jıllar dawamında Shıǵıs xalıqları ushın qúdiretli ruwxıy azıq bolıp xızmet etken. Uzaq waqıt dawam etken qatań sheklewlerge qaramastan xalqımız áwladtan-áwladqa ótip kelgen óz tariyxıy hám mádeniy qádiriyatların hám de ózine tán dástúrlerin saqlap qalıwǵa eristi.

Kelbetliktiń sóz shaqapları qatarında ekenligi morfologiya menen tıǵız baylanıslı bir bólegi ekenligi aytılıp ótilgen.Kelbetliktiń jasalıwı affiksaciya hám sóz qosılıw usıllarına ayrıqsha itibar berilgen.Bul kurs jumısı arqalı Kelbetlik haqqında keńirek maǵlıwmatqa iye bolasız.