Bilimlendiriw ministrligi

Revolyuciyanıń sebepleri. Kapitalistlik qatnasıqlardıń rawajlanıwı

hám Reformaciya nátiyjesinde inglis jámiyetinde bóliniw júz berdi. Jańa

dvoryanlar kapitalizm rawajlanıwınan mápdar bolsa, korol hám hámel-

darlar eski tártiplerdiń saqlanıp qalıwın qáler edi. Sonday sharayatta

styuardlardıń jańa korollik dinastiyası inglis parlamenti hám puritanlıq

(kalvinistler Angliyada usılay atalǵan) shirkewge qarsı gúreske kirisip

ketti. Júzege kelgen qarama-qarsılıqlar revolyuciyanıń sebebine aylandı.

Korol menen parlament arasındaǵı kelispewshilik Karl I dáwirinde

jáne de keskinlesti. Korol parlamentti tarqatıp jiberdi. Angliyada Karl I

diń jeke húkimdarlıǵı ornatılıp, bul dáwirde sawdagerler, jańa dvoryan-

lar, erkin pikirlewshi dinshiller mámleket islerinen pútkilley shetletildi.