Bilim sohasi

Uchinchidan, oilaning ijtimoiy-iqtisodiy manfaatlarini ta’minlash, uy mehnati va madaniy – maishiy turmush sharoitini yaxshilash, oilaning ma’naviy-axloqiy asoslarini takomillashtirish, ko‘p bolali, kam ta’minlangan, qarovchisini yo‘qotgan nochor oilalarni, nogiron, yetim – yesirlar, yolg‘iz keksalar, bemorlarni ijtimoiy qo‘llab-quvvatlash, oilada jamiyat talablariga mos komil insonlarni tarbiyalash borasida amalga oshirilayotgan tadbirlar butun dunyo xalqlarining diqqat–e’tiborida bo‘lmoqda.

To‘rtinchidan, Respublikamiz Birinchi Prezidenti tomonidan ayolsiz oila, oilasiz davlat va jamiyat bo‘lishi mumkin emasligi amaliy isbotini topdi. Oilaning tinch totuvligi, mustahkamligi, barqarorligi va farovonligi davlat va jamiyatning taraqqiyotida asosiy omil ekanligi keng jamoatchilik tomonidan yangicha munosabat asosida tan olindi.

Beshinchidan, Birinchi Prezidentimiz I.A.Karimov tashabbuslari bilan 1998 yilning “Oila yili”, 1999 yilning “Ayollar yili” deb e’tirof etilishi va shu munosabat bilan Vazirlar Mahkamasi tomonidan maxsus Davlat dasturlarining qabul qilinganligi va amaliyotga joriy etilganligi, mamlakatda Respublika “Oila” ilmiy – amaliy Markazi va uning quyi bo‘limlari tashkil qilinganligi oila, onalik va bolalik manfaatlarini nafaqat huquqiy, ijtimoiy-iqtisodiy muhofaza etish, balki ilmiy – amaliy nuqtayi – nazaridan o‘rganish va olg‘a surilgan g‘oyalar asosida oilalarning har tomonlama farovonligini ta’minlash borasida amalga oshirilayotgan xayrli ishlar debochasidir.

O
Oilada oilaning har bir a’zosini qonunlarga itoatkorlik ruhida tarbiyalash, har bir shaxsda qonunga hurmat tuyg‘usini shakllantirish uchun oila, mahalla, maktab va mutasaddi tashkilotlar hamkorligi mexanizmlarini yaratish va uni amaliyotga tatbiq etilishini qat’iy ta’minlash huquqiy demokratik jamiyatning huquqiy madaniyatli fuqarolarini tarbiyalashning muhim omilidir
ltinchidan, davlat xizmati tizimiga oila, onalik va bolalikni ijtimoiy muhofaza etish masalalari bo‘yicha maxsus shoxobcha kiritildi. Ya’ni, O‘zbekiston Respublikasi Birinchi Prezidentining 1995-yil 2-martdagi Farmoniga binoan Respublika xotin–qizlar qo‘mitalari raislariga hokim o‘rinbosarlari maqomi berildi. O‘zbekiston Respublikasi Vazirlar Mahkamasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tarkibida oila, onalik va bolalikni ijtimoiy muhofaza qilish kotibiyatlari kiritilib, faoliyat ko‘rsata boshladi.