Berdaq nomidagi qoraqalpoq davlat universiteti kimyoviy texnologiya fakulteti

Diffuzion potensial Ikki elektrolit eritmalarining chegara sirtida ionlarning turliharakatchanligi tufayli diffuzion potensial hosil bo‘ladi. Masalan, AgNO₃ ning bir-biri bilan tutashtirilgan 0,1 n va 1 n eritmasini ko‘zdan kechiramiz. Diffuziya qonuniga binoan, Ag+ va NO₃ ionlari yuqori konsentrasiyali eritmadan kam konsentrasiyali eritma tomon harakatlanadi. anionlarning harakatchanligi Ag⁺ kationiga nisbatan yuqori bo‘lganligi sababli ionlarining konsentrasiyasi kam konsentrasiyali eritmada ortib ketadi. Natijada turli konsentrasiyali eritmalarning chegarasida manfiy va musbat zaryadlangan sohalar paydo bo‘ladi. Ushbu elektr qavatining hosil bo‘lishi eritmalarning chegarasida potensiallar farqini vujudga keltiradi. Mana shu potensiallar farqi diffuzion potensial deb ataladi. Diffuzion potensial faqat turli konsentrasiyali eritmalar chegarasidagina emas, balki har qanday ikki elektrolit eritmasi chegarasida ham hosil bo‘ladi. Diffuzion potensialning miqdori aktivliklarning yoki eritmalar konsentrasiyasining o‘zaro nisbatiga va ionlarning tashish sonlari ayirmasiga proporsionaldir. Diffuzion potensialning ishorasi tashish sonlarining miqdoriga bog‘liq bo‘ladi. Amaliyotda diffuzion potensial aniq natijalar olishga xalaqit beradi. Shuning uchun diffuzion potensialni yo‘qotishga harakat qilinadi va diffuzion potensiallar ayirmasini hosil qiluvchi eritmalar tuz ko‘prigi orqali tutashtiriladi. Tuz ko‘prigi sifatida ionlarning harakatchanligi bir xil bo‘lgan tuzlardan foydalaniladi. Odatda, KCl, KNO3, NH4NO3 eritmalari ishlatiladi. Ikki eritma tuz ko‘prigi orqali tutashtirilganda elektr tokini asosan shu tuz ko`prigining ionlari o`tkazadi.