Berdaq atındag’ı Qaraqalpaq Ma’mleketlik universiteti

1. Umumgeografik metodlar
Ushbu mavzuga doir fikrlarimizni kartografiya metodidan boshlashimiz lozim, chunki geografiya fanining muqaddimasi ham, xotimasi ham xarita bilan chambarchas bog’liq. Bu erda o’rganilayotgan hodisa yoki voqelik xaritalar asosida tahlil etiladi va tadqiqotning o’zi ham ko’rilayotgan muammolarga taalluqli xaritalar yaratadi. İlmiy ishning xaritadan boshlanib, xarita bilan tugashi ana shundan iboratdir.
To’g’ri, barchaning ham chiroyli, yuqori darajadagi xarita chizolmasligi tabiiy. Ammo har qanday geograf kartografik bilim va savodxonlikka ega bo’lishi, kartografiya asoslarini bilishi va turli xaritalarni o’qiy olishi shart. Geograf ayni paytda kartograf bo’lishi mumkin, biroq har qanday kartograf geografiyani yaxshi bilishi zarur. Geograf o’zining maqsad va vazifasidan kelib chiqqan xolda xaritalar mazmuni («eskizi»), ularga tegishli statistik ishlanmalarni tayyorlab bermog’i lozim, kartograf esa o’zining bu sohadagi mahoratini ishga solib, yaxshi xaritalarni tuzib beradi. Bu o’rinda kartografiya yoki aniqrog’i — kartografiyalashtirish geografiya uchun metod bo’lsa, geografiya kartografiya uchun nazariy asos — metodologiya bo’lib xizmat qiladi. Bino-barin, sotsial-iqtisodiy va tabiiy geografik kartografiya mustaqil va muhim kartografiya fanining alohida-alohida qismlari yoki yo’nalishlaridir. Agar ularning birinchisini iqtisodiy va sotsial geografiyaga, ikkinchisini esa tabiiy geografiyaga kiritilsa, u holda noto’g’ri bo’ladi va kartografiya fanining salohiyati kamaytiriladi, kamsitiladi. Yaxshisi — ularni ijtimoiy va tabiiy geografiyaga qo’yilgan o’ziga xos «ko’prik» deb tasavvur qilish maqulroq..
Xaritalar ko’proq, yirik miqyosli (masshtabli) va tematik, malum sohaga yo’naltirilgan bo’ladi. Bunday xaritalar ayniqsa ilmiy tadqiqot ishlari uchun asqotadi. Umumiy axboriy mazmunga ega bo’lgan xaritalar esa eng avvalo o’quv jarayonida ishlatiladi. Demak, xaritalarga vosita va natija sifatida, o’quv va tadqiqot qo’llanmasi shaklida qaramoq talab etiladi. Birinchisi tayer xaritalar bo’lsa, ikkinchisi esa muallifning o’zi tomonidan tayyorlanmog’i talab etiladi,
Xaritalarga barcha hodisa yoki voqeliklarni tushirish mumkin. Bu esa geografiya fanining mezoni ham hisoblanadi. Chunki hudud obekt sifatida ko’rilmasa va uni xarita yoki xarita-sxemalarda aks ettirish imkoni bo’lmasa, u holda bunday tadqiqotning o’zi ham geografiyaga tegishli emas. Tahlillar shuni ko’rsatadiki, ijtimoiy geografiya doirasida xaritalar asosan iqtisodiy yoki sotsial-iqtisodiy mazmunga ega. Masalan sanoat, qishloq xo’jalik tarmoqlari, transport, aholi, uning milliy va hududiy tarkibi, shaharlar va qishloqlar to’ri va tizimi kabi xaritalar ko’p tuzilgan. Ammo sotsial geografiyaga mansub yirik miqiyosli va tematik xaritalar ancha oz. Bu erda ham xaritalar soni, turi va mazmuni ijtimoiy geografiya qismlariga tegishli real holatni aks etib turibdi, Shunday qilib, xaritalar tadqiqot usullari qatorida birinchi o’rinda turadi. Bu esa geografiya fanining bosh tamoyili — hududiylikka mos keladi. Ayni paytda geografik taqqoslash (qiyoslash) usuli ham katta ahamiyatga ega.
Umuman, ikki xil taqqoslash mumkin: tarixiy va geografik; birinchisida o’tmishning turli davrlari «tik» qiyoslansa, ikkinchisida hududning turli qismlari taqqoslanadi va bu hamma vaqt gorizontal yo’nalishda bo’ladi. Eng muhimi — taqqoslash tarixda ham, geografiyada ham asosiy rolni bajaradi, chunki uning yordamida o’tmishning (tarixning) va hozirgi kunning (geografiyaning), zamon va makonning, zamin va zamonning betakror, o’ziga xos xususiyati ochib beriladi. Xususiyatsiz esa ushbu fanlarning o’zi bo’lmaydi. Masalan, geografiyada bir joy ikkinchi joydan farq qilmasa, ular orasida hududiy tafovutlar ko’rinmasa, har bir joyning o’ziga xos xususiyati («basharasi») aniqlanmasa, u holda bu erda geografiyaga ham o’rin yo’qdir. Balkim shu manoda, yashg joyning tasviri, tashqi ko’rinishini ifodalashda frantsuzlar peyzaj, nemislar esa landshaft atamalarini qo’llagan bo’lsalar ajab emas. V.P.Semyonov Tyanshanskiy shunga yaqin «joyning obrazi» (shakli, tasviri) tushunchasini ishlatgan.
Geografik taqqoslash hamma vaqt hududiy va ikki ko’rinishda bo’ladi: o’xshash va noo’xshash taqqoslashlar. Odatda, birinchisi ananaviyroq, yani bu erda umumiy holatlari, ko’lami, vazifa va mohiyati monand bo’lgan obektlar solnshtiriladi. İkkinchi holda esa taqqoslanuvchi obektlar o’zlarining katta-kichikligi, vazifasi, mohiyati va boshqa jihatlariga ko’ra bir-birining teskarisi (kontrasti) bo’ladi. Shuningdek, bir-biriga mutlaqo muqobil bo’lgan obektlar, masalan tog’ bilan shahar, botqoqlik bilan sanoat tugunini iqtisodiy geografik qiyoslab bo’lmaydi. Bundan tashqari tabiiy, siyosiy, iqtioodiy geografik obektlar ham o’zaro solishtirilishi noto’g’rn. Aytaylik, Afrika va AQSh, Farg’ona iqtisodiy rayoni va Afg’oniston, Qizilqum cho’li va Angren-Olmaliq sanoat rayoni kabi «juftliklar» aslo taqqoslashga to’g’ri kelmaydi.
Albatta, taqqoslanuvchi hodisa va voqeliklar turlicha yoki noo’xshash bo’lishi mumqin. Biroq, ilmiy nuqtai nazardan ularning umumiy holatlari bir-biriga yaqin bo’lgani maqsadga muvofiq. Chunonchi, ikkita yirik shahar, ikkita qishloq, ikkita viloyat va hokazolarni taqqoslash o’rinli. Lekin Toshkent bilan Denov yoki Chustni, Uzbekiston bilan AQShni solishtirish geografik jihatdan uncha maqbul emas.
Masalan, Toshkent bilan Boku solishtirilsa bo’ladi, chunki bu shaharlar ma’lum o’xshashliklarga ega (ikkalasi ham «millioner» shahar, sobiq Sovet respublikalari — hozirgi mustaqil, suveren davlatlar poytaxti). Taqqoslash, bu shaharlarning umumiy hatlari aytilgandan so’ng, ularning geografik o’rni, vazifasi (funktsiyasi), xo’jaligining tarkibi va ixtisoslashuvi, ichki tuzilishi, muammolari yuzasidan olib boriladi. Bu erda qieslash qancha «ichkariga» kirilsa, taqqoslanuvchi obektlar — Toshkent va Boku shuncha bir-biridan «qochadi», uzoqlashadi, yani farqlanadi, ular o’rtasidagi oraliq masofa — tafovut shuncha kengayadi va har biriga xos va mos bo’lgan individual (xususiy) jihatlari ko’proq va aniqroq namoyon bo’lib boraveradi.
Taqqoslash ko’rilayotgan obektlarning iqtisodiy geografik o’rnidan boshlanishi bejiz emas. Chunki, xuddi ana shu joylanish o’rni tahlilga kalit sifatida xizmat qiladi va u orqali nima uchun bu shaharlar aynan shu joyda vujudga kelgan, yiriklashgan va nima sababdan ular xo’jalikning shu sohasiga ixtisoslashgan kabi geografiya uchun muhim va o’ta zarur bo’lgan savollarga javob topib berishga imkon yaratadi. Bizning 'misolimizda Bokuning Kaspiy dengizi bo’yida joylashganligi, Toshkentning Tangri tog’ (Tyan-Shan) etaklarida, Chirchiq vohasida o’rnashganligi ularning qolgan barcha xususiyatlarini oydinlashtiradi. Agar Boku shahriga tarixiy geografik asos sifatida Kaspiy dengizi xizmat qilsa, Toshkent uchun esa Chirchiq daryosi uning o’tmishiyu hozirgi kunida katta ahamiyatga ega.
Geografik taqqoslashning yana bir muhim shartich)bektlarning bosqichma-bosqich qiyosiy tavsifi ayni paytda bir yo’la («sinxron») olib borilishidan ibo^atdir. Agar bizning misolimizda avval Boku, so’ng Toshkent shaharlarining iqtisodiy geografik tarifi mavjud tartibga muvofiq ko’rib chiqilsa, u holda haqiqiy taqqoslash bo’lmaydi. Sababi — bu yerda biz ikki shaharning alohida-alohida tarifining guvohi bo’lamiz, xolos. Binobarin, taqqoslanuvchi obektlar birdaniga yo’l-yo’lakay ko’rib borilishi kerak. Shundagina ularning har biriga xos va mos belgilarini aniqlash mumkin bo’ladi.
Demak, hudud eng avvalo xarita yordamida, uning boshqa hududdan farqlaiuvchi tomonlari esa asosan taqqoslash usuli orqali aniqlanadi. Ammo, taqqoslash ham xaritasiz amalga oshirilmaydi, chunki ko’rilayotgan obektlar faqat xaritada o’z inikosini topadi.
Xarita va taqqoslash uslublaridan keyin o’z ahamiyatiga ko’ra rayonlashtirish turadi. Geografik rayon ham malum manoda umumlashtirish, hududiy guruhlashni bildiradi. Rayon hududning malum bir qismi bo’lib, u o’zining umumiy, o’xshash belgilari bilan qo’shni yoki tutash joylardan ajralib turadi. Xuddi shu manoda geografik rayon mamuriy-boshqaruv ralonlaridan (nohiya, tuman va h. k.) tubdan farq qiladi va ularni aslo chalkashtirib bo’lmaydi. Shuning uchun ham iqtisodiy geografik rayonlashtirishni «iqtisodiy nohiyalashtirish» yoki «tumanlashtirish» shaklida o’zbek tiliga to’g’ridan-to’g’ri o’girish kulgili va ayni paytda fanni tahqirlashdir. Shu bilan birga, «umuman», barcha sohalarga tegishli bo’lgan rayon yo’q, aksincha malum maqsadga qaratilgan aniq rayon mavjud. Chunonchi, sanoat yoki sanoat tarmoqlari, qishloq xo’jaligi, aholi joylashuvi, dam olish (rekreatsiya) kabi rayonlar real voqealikda bor, ammo ularning hammasi uchun yagona rayon yo’q.
«Rayon» tushunchasiga tegishli yana bir chalkashlik mavjud. Bu uning yuqoridagilaridan keyingi uchinchi xususiyatidir. Gap shundaki, rayon ko’p bosqichli, pog’onasimon bo’ladi. Binobarin, hamma vaqt qaysi darajadagi va qaysi yo’nalishdagi rayon, aniq aytilishi zarur. Chunki, Farg’ona vodiysi ham rayon, uning ichidagi viloyatlar, Sirdaryoning o’ng va so’l sohillari, tog’, tog’oldi, tekislik qismlari, quyi mamuriy birliklar, ularning ichki hududiy tarkibi va hokazolar ham rayondir. Biroq ular turli darajadagi va yo’nalishdagi geografik rayonlar hisoblanadi. Geografiya fanning betakror va joeibali xususiyati ham shundaki, u har xil miqyosda fikr yuritish imkoniyatiga ega. Bu fan vakillari katta ichida kichikni, kichik orqali kattani tasavvur qila oldilar. Shu manoda rayon sirtdan o’z atrofidan ajralib tursada, u ichki jihatdan mutloq bir xillikni anglatmaydi va, aksincha, tafovutlarga boy bo’ladi. Bunday chigal va mushqul masalalarni o’rganishda tizim tarkib usuli ancha qo’l keladi. Shu bois geografiyada rayonlar hududiy tarkib, tizim-tarkib va tizim tushunchalariga yaqin turadi. Zero, har qanday tarkib undan kattaroq hududiy tizimning bir qismi va, ayni paytda, shu hududiy tarkibning («tizimchaning») o’zining ham ichki tuzilmasi, rayon va «rayonchalari», qismchalari bor.
Rayon — rayonlashtirishning natijasi, rayonlashtirish esa ilmiy tadqiqot jarayoni, vositasi, usulidir. Demak, rayonlashtirish geografik o’rganishning emas, balki ko’proq tadqiqot metodidir. Bu erda o’rganilayotgan mavzu mohiyatidan kelib chiqqan holda hudud bir-biriga o’xshash bo’laklarga (rayonlarga) ajratiladi va ularga iqtisodiy geografik tavsif beriladi.
Rayonlashtirishning printsip va omillari ham har xil bo’ladi. Masalan, iqtisodiy rayonlashtirishda, eng avvalo, iqtisodyay ixtisoslashuv (sanoatda-sanoat tarmoqlari, qishloq xo’jaligida ayrim tarmoqlarga ixtisoslashuv), sotsial-iqtisodiy rayonlashtirishda, jumladan, aholi geografiyasida aholi zichligi, aholi punktlarining hududiy birligi rayon sifatida ajratiladi. Sotsial geografiyada esa bunday rayonlar hududiy ko’lami bo’yicha-yanada kichikroq va ixchamroq bo’ladi. Sotsial rayonlar sifatida alohida mahalla, mikrorayon, mavze va dahalarnn ko’rsatish mumkin.
Rayon yoki rayonlashtirishning navbatdagi to’rtinchi xususiyati ularning hududiy shakllarida o’z ifodasini topadi. Bu yo’sinda hududiy rayonlashtirish yoki uni turli xil yiriklikdagi qismlarga ajratish bilan hudud doirasidagi real rayonlarni aniqlash bir xil mazmunga ega emas. Birinchisida mamlakat yoki viloyat hududi to’la-tekis bo’laklarga (rayonlarga) ajratiladi. Chunonchi, alohida iqtisodiy rayon sifatida Quyi Amudaryo — Xorazm viloyati va Qoraqalpog’iston Respublikasi — rayoni mavjud. Shu bilan birga bu o’lkadagi hududning (unga chekinayotgan va qurib borayotgan Orol dengizi akvatoriyasi ham kiradi) barcha qismi ham iqtisodiy ahamiyatga ega bo’lmaydi. Boshqacha qilib aytganda, bu erdagi hozircha xo’jalik tuzilxmasiga ega bo’lmagan joylar ham rayon doirasiga «yoppasiga» kiritilaveradi.
İkkinchi turdagi rayonlar butun mamlakat hududini qoplab olmaydi. Ularga sanoat rayonlari — sanoat tugun va majmualari, aholi rayonlari — shahar aglomeratsiyalari kabi yaqqol shakldagi hududiy birliklarni misol tariqasida keltirish mumkin. Xuddi shunday transport rayonlari ham «azonal» xususiyatga ega bo’ladi va butun muhitni qamrab olmaydi.
Ajratilgan u yoki bu tipdagi rayonlar shu sohaga tegishli hududiy majmularga ko’pincha mos keladi. Bu manoda Mirzacho’l yoki Buxoro—Navoiy (Qizilqum) iqtisodiy rayonlari xuddi shu nomli hududiy ishlab chiqarish majmualari shaklida aytilsa bo’ladi, Ammo hududiy majmualar uchun kompleks hosil qiluvchi, rayonlar uchun esa rayon shakllantiruvchi omil yoki tarmoqlar mavjud. Ana shu tarmoqlar joylashgan yoxud ularning tasir doirasidagi maydon, makon alohida rayon yoki majmua sifatida namoyon bo’ladi.
Shu bilan birga geografiyadagi rayonlashtirishni qishloq xo’jaligi, mevachilik yoki urug’chilikdagi rayonlashtirish bilan ham chalkashtirish nodurust. Bu erda dehqonchilik va mevachilikdagi urug’ hamda meva navlarini tabiiy iqlim sharoiti moc keladigai joylarda ekish yoki o’stirish nazarda tutiladi.
Shunday qilib, geografiyada va, shu jumladan, ijtimoiy geografiyada rayonlashtirish usuli ham etakchi ahamiyatga ega. Zero, rayonsiz geografiyani tasavvur qilib bo’lmaydi, geografiya fanining tarixi, sirasini aytganda, rayonlar tarixi demakdir. Rayonlashtirish tahlil etilayotgan hududni chuqur o’rganish, uning ichki xususiyatlarini aniqlash, asl manoda geografik bilimning shakllanishida bosh mezondir. Ayni paytda uning konstruktiv (amaliy) ahamiyati ham yo’q emas; rayonlashtirish mamlakatning ilmiy asoslangan mintaqaviy siyosatini olib borish va uni boshqarish uchun zarur vosita bo’lib xizmat qiladi.
Kuzatuv metodi ham geografiya uchun ananaviy ahamiyatga ega. Chunki geografiyani asosan bevosita ko’rish, kuzatish, jonli mushohada yuritish orqali o’rganilsa, tarixni ko’pincha eshitish bilan o’zlashtiriladi. Shuning uchun geografiya fakultetining o’quv jarayonida dala amaliy mashg’ulotlariga katta o’rin ajratiladi. Bu borada, ayniqsa, regional va xalqaro sayohatlar samarali natija beradi.
Turli xil kuzatish va ekspeditsiyalar vositasi bilan obekt — qishloq xo’jaligi, shahar, sanoat korxonasi va qishloq joylar yaqindan o’rganiladi. Masalan, biror shaharga safar etilsa, uni atroflicha, har tomondan, turli chekkalariga chiqib ko’rish, tanishish kerak. Agar sayohat qiluvchi shahar markazidagi mehmonxonada uzoq muddatda to’xtab qolsa ham uni geografik jihatdan o’rgandi, deb bo’lmaydi. Buning uchun shahar to’g’risida, uning hududi, ichki tafovutlari, tashqi qiyofasi bo’yicha to’la tasavvur hosil qilish talab etiladi.
Aslini olganda geograf yo’lda ham, uyda ham, ishda ham geograf bo’lmog’i kerak. U har qanday sharoitda va har qanday miqyosda hududiy birikmalar, turli xil obektlar — yo’llar, qishloq xo’jalik ekinlari, aholi manzilgohlarining o’zaro joylashuv xususiyatini bevosita kuzatishi lozim. Bazan geograf ajoyib hududiy nomuvofiqliklar guvohi bo’lishi mumkin. Ularga dam olish muzofotlari va ekologik jihatdan nomaqbul bo’lgan metallurgiya yoki kimyo korxonasining bir joyda borligini, maktab qarshisida chorva fermasi yoki asab kasalliklarini davolovchi shifoxona mavjudligi va shunga o’xshash antiqa geografik ajoyibotlarni misol tariqasida keltirsa bo’ladi. Bunday geografik holatlar va hududiy nomuvofiqliklar esa faqat jonli kuzatuv yordamida aniqlanadi. Ammo buning uchun oddiy ko’rishning o’zi kifoya qilmaydi, aksincha, ko’rish faol mushohada va tahlil bilan uyg’unlashgan holda olib borilishi kerak.