Berdaq atinda

Tapsırma. Tómendegi gáplerde qabatlasqan irkilis belgileri qanday máni ańlatıw ushın jumsalǵanın aytıp beriń.

1. – Bul ne, bul qalay?! – dep baslıq óz kózine ózi isenbegen hám tańlanıwı menen, ornınan qalay turıp ketke-nin sezbey qaldı. –Balamısań? Biz bulayınsha keliskenimiz joq edi ǵoy?! – dedi. Onıń bunnan basqa ne aytıwı múm-kin? Biraq Qoblannıń kewilinde hesh nárse joq edi ǵoy, aqırı?... «Ǵarrı túspegirdiń ras-aq qızǵanshaq bolǵanı ma? Sonı oylap ne qılaman-aw?!» degen oy keldi Qoblanǵa. 2. Jáne ne boldı,–dep oyladı Qoblan. 3. Joq, seniń qolıń-nan ne keledi! Shıq úyden! – Aytóre esikti nusqadı. Qoblan tapjılmadı. – Men saǵan aytaman, úyden shıq! – dedi taǵı tislenip turıp. 4. Seni emlewxanaǵa aparayın ba, barasań ba? –dep soradı Qoblan. – Men bul jerden ketemen, – degen onıń dawısın esitken Jupar: – Meyli, qayda aparsań da (S.S.) 5. Tek jalǵız basım bolsa da bir jón, mına eki jetim menen qayda baraman, qayda sıyaman?! Qudaytala nege biziń kóz jastı kórmeydi eken?! Burınnan sorlap júrgenimiz az ba edi?! Nege bizdi bunıńday azapqa saldıń?! – dep hayal ózinen-ózi kúyindi (N.D).

Qadaǵalaw ushın sorawlar

1. 
   Útir qaysı irkilis belgisi menen qatar qabatlasıp keledi?
   
2. 
   Soraw belgisi menen qollanatuǵın irkilis belgisin anıqlań?
   
3. 
   Kóp noqat qanday jerlerde qollanıladı?
   
4. 
   3, 4 irkilis belgisi qatar keletuǵın orınlardı kórsetiń?
   
5. 
   Sızıqsha qaysı irkilis belgisi menen qatar qollanatuǵının anıqlań?
   

Ádebiyatlar

1. 
   Kollektiv. Házirgi qaraqalpaq tili. Sintaksis. Nókis, 1996
   
2. 
   Dawletov M. Házirgi qaraqalpaq tiliniń punktuaciyası. Nókis., 1998
   
3. 
   Dáwletov A., Dáwletov M., Qudaybergenov M. Házirgi qaraqalpaq ádebiy tili. Sintaksis. Nókis, 2009.
   

Dawletov M. Házirgi qaraqalpaq orfografiyası hám punktuaciyası. Nókis, 2013.
Óz betinshe jumıslar

Óz betinshe ózlestiriletuǵın temalar boyınsha studentler shıǵarma yaki referat jumısın jazadı. Bunda qaraqalpaq til bimindegi úyrenip atırǵan teoriyalıq hám ámeliy materiallar ǵa baylalıslı tómende berilgen temalar tiykarında teks dúzedi. Belgilep berilgen tema tiykarında dúzilgen tekstke tallaw islenedi hám nátiyjesi aǵımdaǵı qadaǵalawda bahalap barıladı.

1	Qaraqalpaq tili mámleketlik til.
2	Tuwılǵan jer – ata mákan.
3	Ózbekistan – keleshegi ullı mámleket.
4	Qaraqalpaqstannıń mámleketlik belgileri.
5	Sóz baylıǵı – til kórki.
6	Konstituciya hám biz.
7	Ótmish hám keleshek.
8	Insan hám jámiyet.
9	Men súygen ádebiy qaharmanlar.
10	Qaharmanlıq – máńgilik
11	Biziń fakultetimizde
12	Jaqsılıq umıtılmaydı
13	Kitaplar áleminde
14	Men súygen ko’rsetiw
15	Men súygen shıǵarma qaharmanı
16	Qaraqalpaqstan kórkem óner sheberligi.
17	Paraxatshılıq adamzat tilegi.
18	Jaslar biziń keleshegimiz.
19	Ana ­– hámmege qádirli insan
20	Milliy qádiriyatlar

Glossariy