Berdaq atinda

Úlgi:
Berdaq atındaǵı Qaraqalpaq mámleketlik universiteti qaraqalpaq til bilimi kafedrası májilisiniń № 5
protokolı
2006-jıl 25-fevral Nókis qalası
Qatnasqanlar: Kafedra baslıǵı hám professor-oqıtıwshılar
15 adam (dizimi)


Kún tártibinde
1. Ózbekistan Respublikasınıń “Bilimlendiriw haqqındaǵı" nızamı hám “Kadrlar tayarlaw milliy baǵdarlamasındaǵı" joqarı oqıw orınları aldına qoyılǵan wazıypalar hám olardı ámelge asırıw.
Bayanatshı prof. S.Muratbaev
2. Kafedra boyınsha oqıw jılınıń ekinshi yarımı ushın dúzilgen is jobasın tastıyıqlaw.
Bayanatshı doc. D.Jumabaev
1. Tıńlandı
S.Muratbaev - (bayanatshı sóziniń teksti jazıladı).
Shıǵıp sóylegenler:
A.Turǵanbaev - (sóziniń qısqasha mazmunı yaki sorawı bayan etiledi).
Q.Sadıqov - (sóziniń qısqasha mazmunı yaki sorawı bayan etiledi).
Qarar qılındı
(Qabıl qılınǵan qararlar jazıladı).
2. Tıńlandı
M.Qudaybergenov - (bayanatshı sóziniń qısqasha yamasa tolıq mazmunı jazıladı).
Shıǵıp sóylegenler
Sh.Allaniyazova - (sóziniń qısqasha mazmunı jazıladı).
Q.Paxratdinov - (sóziniń qısqasha mazmunı jazıladı).
Qarar qılındı
(Qabıl qılınǵan qararlar jazıladı).
Baslıq (qolı) S.Muratbaev
Xatker (qolı) G.Asanova


Protokoldan kóshirme. Zárúrlik bolǵan jaǵdayda májilis dawamında qabıl alınǵan qararlardan kóshirmeler rásmiylestiriledi. Buyrıqtan kóshirme alınǵanday, protokoldan kóshirme de baslıqtıń qolı menen tastıyıqlanadı.
Protokoldan kóshirme tómendegishe tiykarǵı bólimlerden ibarat
1. Shólkemniń atı.
2. Hújjettiń atı (Protokoldan kóshirme).
3. Májilis sánesi.
4. Shátli sanlar.
5. Protokol dúzilgen orın.
6. Tekst a) Kún tártibi~
b) Tıńlandı~
v) Qarar alındı~
7. Qoyılǵan qollar.
8. Nusqa tastıyıqlanǵanlıǵı haqqında belgi.
Protokol tekstinen tek shólkemge yamasa jeke bir xızmetkerge jetkeriliwi kerek bolǵan bólimleri ǵana alınadı. Eger kún tártibinde úsh másele qaralǵan bolsa, kerekli másele boyınsha qabıl etilgen qarar alınadı.
Úlgi:
Ózbekistan İA Qaraqalpaqstan bólimi N.Dáwqaraev atındaǵı Til hám ádebiyat institutı ilimiy keńesi májilisiniń №15 protokolınan kóshirme
1992-jıl 26-yanvar Nókis qalası