Бемордан гемокультурага қон олиш қоидалари мақсад: Қонда бактерияларни аниқлаш. Кўрсатма

Экзантема билан кечувчи касалликларда тошмаларга таъриф беринг (ТПК, менингококцемия, қизамиқ, скарлатина, қизилча, сувчечак, эпидемик тошмали тиф)
Мақсад: Тошма билан кечадиган касалликларга ташхис қўйиш.
Кўрсатма: Терисида тошма билан кечадиган касалликлар.
Керакли анжомлар: Кушетка, ёруғлик манбаи, ниқоб.

• 
  Ниқоб тақилади ва бемордан ечиниш сўралади
  
• 
  Беморни ёруғлик манбаига яқинроқ жойлаштирилади (табиий ёруғлик яхшироқ)
  
• 
  Терининг ранги кузатилади
  
• 
  Тошманинг хусусияти аниқланади (макула, папула ва бошқалар)
  
• 
  Тошмалар тошган жойлар аниқланади
  
• 
  Тошмаларнинг қўшилишга мойиллиги аниқланади
  
• 
  Тошмаларнинг босқичли тошиш хусусияти аниқланади
  
• 
  Тошманинг иккиламчи элементлари аниқланади (доғлар қолиши, пўстлоқ қолиши, йиринглаши ва х.к.)
  
• 
  Дермографизм аниқланади
  
• 
  Беморга к0ийиниш буюрилади ва қўл ювилади
  

Сариқлик белгиси билан кечувчи касалликларда сийдикда ўт пигментини аниқлаш (Розин синамаси)
Мақсад: Сийдикда ўт пигментларини аниқлаш, сийдикдаги билирубин оксидлантирувчи йод таъсирида биливердинга айланиб яшил тусга киришини билдириш.
Кўрсатма: Сариқлик синдроми билан кечувчи касалликлар.
Керакли анжомлар: Пробирка, пипетка, стерилланган резина қўлқоп, штатив, 1% ли йоднинг спиртли эритмаси.

• 
  Стерилланган резина қўлқоп кийилади
  
• 
  Чап қўлга тоза пробирка олинади
  
• 
  Пробиркага беморнинг сийдигидан 4-5 мл солинади
  
• 
  Сийдикли пробирка штативга жойлаштирилади
  
• 
  Ўнг қўл билан пипетка олинади
  
• 
  Пипетка билан 1% ли йоднинг спиртли эритмаси олинади
  
• 
  Пробирка девори бўйлаб аста секин 1% ли йоднинг спиртли эритмаси сийдик билан туташгунча солинади
  
• 
  10-15 сония кутилади
  
• 
  Агар реакция ижобий бўлса сийдик ва йод туташган соҳада яшил халқа ҳосил бўлади
  
• 
  Яшил халқа рангининг тўқлигига қараб билирубин даражаси аниқланади