Бемордан гемокультурага қон олиш қоидалари мақсад: Қонда бактерияларни аниқлаш. Кўрсатма

Беморнинг қусуқ моддалари ва ошқозон чайиндисидан бактериологик текшириш учун намуна олишни кўрсатинг.
Мақсад: Қусуқ моддалари ва ошқозон чайиндисидан касаллик қўзғатувчисини аниқлаш.
Кўрсатма: Овқат токсикоинфекцияси касалликлари
Керакли анжомлар: Қайнатилган сув, стерил идиш, бикс, лабораторияга йўлланма варақаси.
Бажариладиган босқичлар (қадамлар):

• 
  Қусуқ моддалари зич ёпиладиган стерилланган идишларга 20-30 мл миқдорида олинади.
  
• 
  Ошқозонни чайиш суви натрий гидрокарбонат, калий перманганат эритмалари қўшилмаган тоза қайнатилган сувдан иборат бўлиши керак.
  
• 
  Ошқозон чайинди суви зич ёпиладиган стерилланган идишларга 20-50 мл миқдорда олинади.
  
• 
  Лабораторияга йўлланма варақасига беморнинг маълумотлари ва тахминий ташхиси ёзилади.
  
• 
  Олинган моддалар махсус биксларда лабораторияга жўнатилади. Агарда зудлик билан лабораторияга юборишнинг иложи бўлмаса, уни бир неча соат совутгичда сақлаб турилади.
  

Ботулизм касаллиги мисолида Безредко усули бўйича зардобни юбориш қоидалари.
Мақсад: Ботулизм, дифтерия, қоқшол касалликларини даволаш жараёнида анафилактик реакцияларнинг олдини олиш.
Кўрсатма: Дифтерия, қоқшол, ботулизм касалликлари.
Керакли анжомлар: Стерилланган резина қўлқоп, стерилланган пахталар, бир марта ишлатиладиган стерил шприцлар, спирт (70º), зардоб.
Бажариладиган босқичлар (қадамлар):

• 
  Стерилланган резина қўлқоп кийилади.
  
• 
  Зардоб юборишдан олдин зардобли ампула бутунлиги, этикеткаси текширилади.
  
• 
  Зардобли ампула 37ºС сувда иситилади.
  
• 
  Ампулани очиш асептика ва антисептика қоидаларига биноан амалга оширилади.
  
• 
  Инъекция қилинадиган соҳа спирт шимдирилган пахта билан артилади.
  
• 
  0,1 мл 1:100 нисбатда суюлтирилган зардоб билак ички юзасининг ўрта учлигига тери ичига юборилади.
  
• 
  Агар юборилган зардоб ўрнида 20 дақиқадан сўнг 1 см дан катта бўлмаган папула ҳосил бўлиб, унинг атрофидаги қизариш чегараланган бўлса синама манфий ҳисобланади.
  
• 
  Сўнгра елка соҳасига тери остига 0,1 мл суюлтирилмаган зардоб юборилади.
  
• 
  30 дақиқадан сўнг реакция кузатилмаса, синама манфий ҳисобланади.
  
• 
  Тавсия қилинган суюлтирилмаган зардобнинг қолган қисми мушак орасига ёки томир ичига юборилади.